3. şəhadət ildönümü olan əmir. möminlərin əmiri. ramazanın 19-cu günü sübh namazı vaxtı vurulan və 21-i gecə yarısı müqəddəs ruhunu tapşıran əmir. cəmi 45 saat. və bu 45 saat həqiqəti axtaranlar üçün, daha doğrusu axtarmaq istəyənlər üçün ömrə bərabərdi.

əli iqtisadi baxımdan ən aşağı iş sayılan fəhləlikdən tutmuş, ən yüksək vəzifə sayılan xəlifəliyə kimi olan mərhələri keçmiş şəxsdir. əli marksın fəlsəfəsini puça çıxaran şəxsdir. çünki o, daxmada sarayda olduğu kimi, sarayda da daxmada olduğu kimi yaşayırdı. fəhləlikdə də xəlifəlikdəki kimi fikirləşirdi.
əlinin leksikonunda haqqın mənası qüdrət deyil. o, heç əlinin hakimiyyəti və əlinin haqqı da deyil. əli üçün haqqın mənası xalqın haqqıdır. zorakılığın ölümüdür.
mənim hökumətimdə qarışqanın ağzından arpa qabığını belə almaq olmaz. mənim hökumətimdə hər bir insan başqa bir insanla bərabərdir - əgər müsəlmandırsa, imanda, müsəlman deyilsə, insanlıqda səninlə qardaşdır. deyirdi əli.
alınları səcdədən qabar olmuş, aralarında yüzlərlə quran hafizi olan 4000 nəfəri bir-bir qılıncdan keçirdən də əlidir. əlidən başqa kim fitnənin zülməti hər yeri bürüyəndən sonra, onun xəstəliyi hamını həlak etdiyi bir vaxtda onun gözünü mən çıxartdım - deyib bu işi görməyə cürət edə bilərdi?
şüursuzluğun özü də günahdır. şərəfsizlik qədər günah.
mən bu əliyə inanıram.

amma deyilən əliyə inanmıram.* bunlara inanmayanlar * biharul-ənvar * və * müntəhəl-amala baxa bilərlər
deyirlər ki, allah əlinin nurunu aləmin və adəmin yaradılışından qabaq yaradıb.
deyirlər ki, peyğəmbər meraca gedəndə allah onunla əlinin səs tonunda danışıb ki, ona xoş gəlsin. deyirlər ki, əli qundaqda olanda şəhərə bir əjdaha gəlib. şəhər əhalisi ondan qorxub qaçıb. əjdaha əbu-talibin evinə gedib. əli əlini qundaqdan çıxararaq onu parçalayıb. buradan da onun adı heydər olub ("həyyə" ərəbcə ilan, "dər" farsca yırtmaq, parçalamaq mənasını verir).
bizə deyirlər ki, xeybər qapısını möcüzəvi surətdə qoparmışdı əli. amma indi xeybər yoxdu. onun qapısı da yoxdu. amma fələstin yəhudisi var. onunla da bizim heç bir işimiz yoxdu.