bir məsələ yadıma düşdü onu yazacaqdım.
deməli təyyarə budapeştə yeni enib, gəldik 8 nəfərlik avtobusa bilet aldıq, vaxt tamamlandı avtobus gəldi, getdik avtobus tərəfə, bizdən başqa 5-6 nəfər var, hamısından konkret azərbaycanlı iyi gəlir, bir nəfərdən başqa, onu da yanımdakı dostla mərcləşirik ki azəridi ya yox falan. bunlar arxada çantaları qoyurlar baqaja, o arada şofer mənə kiminsə çantasını qoyduğu yeri göstərib dedi siz burda oturun o qabağa keçsin, dedim axı doludu dedi problem deyil, keçirdim oturum bir də gördüm arxadan "hey! that's my place!!" döndüm ki "yagje?", qaqam aksentini yaxşı inkişaf etdirmişdi azərbaycanlılığını gizlətməy üçün ama bu gözlər nələr görüb blət, mərci udmuşdum, qaqama dedim "şofer dedi ki sən otur blət" əsəbləşdi falan. bildiyin "ən böyük problemi sıra gözləmə mədənniyyətinə diqqət çəkmək olan avropa görümüş azərbaycanlı" tipləməsindən ibarət idi.
nəysə, indi minmişik gedirik bu qaqaşın yanındakı azərbaycandan gəlmiş yaşlı ana atası falan oturublar havalimanından şəhərə gedən yolu incələyirlər, özümüzü sıxıb saxlamışıq ki indi başlayacaqlar hələ ucunu gördükləri budapeştin nəzdində avropanı pisləməyə, azərbaycanı tərifləməyə, görürsən ki elə vırnıxırlar, təsadüfdən də həmin yol çox da gözəl bir yol da deyil, get get qurtarmır üstəgəl maraqlı birşey də yoxdu ki baxasan. ala bular dözər? 3 saat təyyarə ilə gəliblər bu yaşlarında, moment axtarırlar ki ayaqları dəysin müqayisəyə başlasınlar. adətən belə olur çünki, avropaya ilk gələn gənc azərbaycanlılar ayaqları dəyən torpağa dəyən kimi müsbət mənada müqayisəyə başlayırlar, "indi bizdə olsaydı falan", ən çox da yolda maşınların səni görən kimi dayanmasını görüb o dəqiqə twitləyirlər amerikanı kəşf etmiş kimi "wow that is great! maşınlar yolda adam görən kimi dayanır, indi bizdə olsa minmişdilər!! mədəniyyət!!1!". qocalar da ayaq basan kimi mənfi mənada müqayisəyə başlayırlar, "bulara bax nə murdar millətdi, götlərini yumurlar, bizdə belə şey var?" bu ola bilsin ki bütün ömrünü azərbaycanda keçirmiş olmağın verdiyi qısqanclıq hissidir, onlardan cavanların daha rahat yerdə yaşaya biləcəklərini görəndə istər istəməz pisləyirlər o yeri.
nəysə, indi bu daydayı izləyirəm mən maraqla ki ilk sözü nə olacaq, həkim imiş həm də, kibirli həkim, mən "həkiməm, sən kimsən?" tipləmələrindən. bu da o birilərinin böyüyüdü deyə hamısı gözləyir ki bu pisləsin onlarda təsdiqləsin. elə o anların birində dayday partladı;
-yevlax burdan 10 qat yaxşı şəhərdi, bu nədi belə?!
oybla!
mən bakı gözləyirdim day-day yevlaxdan girdi, həm də 10 qat?! -bakı demədi çünki ona bakı da belə yaşamaq nəsib olmamışdı. digər həkim dostlarından kimlərsə bakıya işləməyə gedə bilmişdi ama bu getməmişdi, ona görə də həmişə bakını pisləmişdi, böyük şəhərdi, insanları murdardı, uzunsaç uşaqlar var oğlum görüb pozular zad-.
dayday şərhi ortaya tulladı, o birilər qapdılar dərhal, "ay qurban olarame əla dedim akif!"-"qurban olum azərbaycana"-"allah prezidentimizin canını asad(ala tərifləmə burda yaltaqlanacağın kimsə yoxdu ta, dincəl, (alışmış qudurmuşdan betərdi))"-"bizim yollarımıza bax bularınkinə bax" orda attırdım mən artıq. hansı yol ala?? mən o yolu 7 il bəli yeddi, yazıyla yeddi il gedib gəlmişəm. həm də ilin bütün mövsümlərində, hansı yoldan , hansı yevlaxdan danışırsınız? tikintisinə 4 milyon pul ayrılan yollardan
danışırsız? 6 ay sonra yenidən "təmir" olunacaq yollardan?sonra heçnə, tut ucundan qalx göyə məntiqi ilə söhbəti burdan başlayıb budapeşt sakinlərinin(bəli, avtobusda keçirdikləri 10 dəqiqə ərzindəki müşahidələrə əsasən) çox murdar olduqlarını, yevlax ev qızlarının əlinə su tökə bilməyəcəklərindən dəm vurmağa başladılar. bir daha iyrəndirdilər sahib olduqları təfəkkür ilə. vaxt çatdı düşüb yollarımızı ayırdıq.
budapeşt başlığına yazılacaq entry yox yevlax başlığına yazılacaq entry oldu ama eybi yox nağarax.