8. --spoiler--

salam,şaxta bobi.
bunu sənə yekə eşşək olmuş, amma hələ də sənə inanan 2-ci sinif uşağı səmimiyyəti ilə yazıram.
istəklərimi düzməyə başlayım...

sırf paxıllığımdan irəli gələrək istəyirəm ki, mənlə oxuyan bu müəllim uşağına bir az kəsr göndərəsən. onun atasına da bir az pul ki, gözü doysun. atasının kolleqalarına da bir az yeni demirəm, normal düşüncə göndər. başa düşsünlər ki, ekransız walkman'də konsertə baxmaq olmur.

konsert demiş, bizə səviyyəli konsertlər gətir, əgər gəlsən. bizim oxuyançı, çalançı, deyənçilərimizə də bir az insaf göndər ki, dinləyicilərə yazıqları gəlsin. onu göndərmirsənsə göndərmə. heç olmasa dinləyiciyə zövq göndər.

zövq demiş, bizə toy gətir, ya da özün gəl səni "toy olsun"a göndərək. sonra da hər evə bir gizli kamera gətir ki, baxmıram deyənlərin hamsını bir-bir çıxardıb el içində biabır edək.
bu gizli kameranın 2 qatı da anlayış göndər bu evlərin başçılarına, valideynlərinə. ya da həmin valideynlərə normal, ancaq çayxananın qapısını və qızın arxasını görəndə gözləri parıldamayan gənc göndər.
keçən illərdəki kimi nərd, domino, çay, qəlyan, təsbeh, qeyrət, namus filan gətirmə. onlar bizim sənə hədiyyəmiz olar. görərsən ki, insan fantaziyası nələrə qadirdi. təki özünü "prav" çıxarsın.

bəzi insanlara şəxsi həyat gətir. bolluca şəxsi həyat gətir ki, növbəti gəlişinə qədər bəs eləsin.öz yekə burunlarını başqalarının işlərinə soxmasınlar bir də. kim kimi sevir, kim kim ilə gəzir, kim kimi censored edib, kim kimin bacısıdır, kim kimi fırladır və s.

insanlara biraz səmimiyyət gətir. çox yox amma.yoxsa bununda zibilini çıxardacaqlar. axı biz ancaq bunu bacarırıq.
bir masa arxasında yığışmaq üçün insanlara "yeni il" tipli bayramlardan başqa və fərqli səbəblər göndər. allahı hiss etməyənlərə bir uşaq gülüşü göndər. dini fanatiklərə isə ilişmə, yoxsa sənə də kafir deyib, dərini soymaq istəyəcəklər. biraz sevgi göndər. bu boz şəhərə bir az romantika gətir.
qar gətir. vecimə deyil şəhərin daha sonraki vəziyyəti! təki yenə qar yağsın..

bizə bolluca liker göndər ki, biz də səni "like" vuraq.facebook sosial şəbəkədə rəsmi səhifəmizi bəyənən 666`cı istifadəçiyə isə eksklüziv bir hədiyyə göndər. bu cür ucuz piar aksiya keçirdənlərə isə bir az originallıq göndər ki, özlərini hörmətdən salmasınlar.

məncə, sən ən yaxşısı bizim "etiraz etməkdən azmışlara" istiqamət göndər. və inernet qiyamçılarımıza biraz düşünməyi öyrət.
solçularımıza sağ göndər.
sağçılarımıza da sol göndər.
siyasətçilərə də ağıl göndər.
bizə isə biraz cəsarət göndər ki, zirzəmilərdən qorxmayaraq həqiqəti deyək. həri!
ki, sonra hansısa facebook'çu bizim yazılarımızı daha çox paylaşsın, bizə nümünə kimi baxsın, bizdən sitat gətirsin. xalq arasında adımız çıxsın. pis başa düşənlərin isə gözü çıxsın.
nolsun ki, lazım olanda heç birinin vecinə olmuyacağıq? egolarımız məmnun olsun. əsas budur.

vaxt azlığından şikayət edib, televiziyada hər veriləni müzakirə edən bu "ağıllı"lara da yeni nağıl göndər müzakirəyə. misal üçün, maşın şou, çal-çağır, reklam arasınada türeçki serial gətir. 1 mb sürət və wi fi modem gətir mənə. sonra msn və skype ünvanını ver facebook'da pm vasitəsi ilə mənə ki, əlavə eliyim səni. mırt vuraq.

axırıncı xahişim üçün də imkan göndər deyim sözlük gətir ki, https://www.soz6.com

açıb, yekə-yekə ağzımıza gələni ora yazaq.

çox sağol.

--spoiler--