5. azərbaycanda qadın olmaq kölə olmağa bərabərdir. azərbaycan qadını həmişə ədəbiyyatda, kinoda, youtube-da rəy yazan qaqaşların nəzəriyyəsində müqəddəsdir, ancaq onların bəhs etdiyi qadın hər hansı azərbaycanlı qadın deyil. ərinin yanında dili qısa olan, qaynanasının söyüşlərinə tab gətirə bilən, başı həmişə aşağıda, abır-həya gözləyən qadındır. bu müqəddəs qadının vəzifəsi də əri altına yatmasını istədiyində yatıb, uşaq doğanda da ona erkək uşaq verə bilməkdir. və bədbəxtliyə baxın ki, doğduğu uşağa ad qoymağa belə haqqı yoxdur, çünki onun adı əvvəlcədən müəyyənləşdirilib. azərbaycanda qadın yoxdur, ya da belə deyək, azad qadın yoxdur. azərbaycanda ərinin sağ əli olan kölələr vardır və bu həyatı yaşamağı rədd edən "pozğun"lar. təəssüf ki, millət olaraq həmişə reallıqdan qorxmuşuq, o üstümüzə gəlməyə başlayanda öz yalan dünyamıza sığınıb onu söymüşük. bizdən olmayanı öldürün məntiqi ilə hərəkət etmişik, fərqliliyi, heç olmasa, gözardı etməyə belə tərbiyəmiz yoxdur, biz onu ancaq "peysər" çıxarda bilərik.