8. güneylilərin və daha çox biz quzeylilərin irandakı türk azadlıq simvolu hesab etdiyimiz , əslindəsə iran rejiminə bağlı kapitalla qurulmuş və idarə edilən , iran pro-körfəz liqasında qalmaqallı sonuncu tur oyununda heç-heçə edərək çempionluğu əldən verməklə dünən gündəmimizə oturan təbriz təmsilçisi. təbrizin "traktor" klubu azarkeşlərinin ideyasını filan dəstəkləyən bir klub olsaydı , nəinki çemionluq üçün oynamaq , heç izi-tozu da olmazdı.belə ki , "traktor" klubunun bu gün cənubluların mübarizə simvolu olması mifdi, güneylilərin, daha çoxsa boğazdan yuxarı danışmağı sevən biz quzeylilərin yaratdığımız mif.güneydəkilərin azadlıq mübarizəsini dəstəklədiyini deyənlərin (güneyli-quzeyli) buna simvol seçməkçün basqı altda saxlayan sistemin pulu və idarəçiliyi ilə mövcud olan bir obyektə möhtac olmasının özü babat ironikdi.futbolda azarkeşi ilə bağlılığı sıx olan klublar , yəni hətta idarə olunmasında da azarkeşinin söz sahibi olduğu klublar çox azdı və belə klubların böyük nəticələri olmur , industriallıqdan uzaqdılar , futbol onlarçün böyük uğur və bununla yanaşı böyük pullar qazanmaq deyil.klub idarəçiliyinin nəticə üçün edəcəyi yolsuzluğa opportunistcəsinə göz yummaz.əlbəttə onların da azarkeşləri klubun uğurunu istəyir , amma bu uğur azarkeşi ilə bağı qoparmamalıdı , başqa hansısa şəxsin ya sistemin maraqlarına xidmət etməməlidi.bağlılıq dediyin azarkeşinin "fənərbaxça"nın korrupsiyasını belə dəstəkləməsi , ya nə bilim özünə xalq komandası deyən "neftçi" azarkeşinin formadakı socar yazısını qəbul etməsi və s. deyil.belə nümunələrdə azarkeşin özü bir mif yaradırlar , o mifə sitayiş eləməyə başlayırlar.qısası , təbrizliləri bir yerə toplamaq , səslərini yüksəltmək üçün səbəb o insanların fikirlərini paylaşmayanlar tərəfindən qurulmuş klubdursa , ya insanlar özləri səmimi deyillər və boğazdan yuxarı danışmaq aşiqidilər , ya da iranın basqıçı sistemi öz məqsədini həyata keçirir.