6. günəşdən qorunmaq üçün yaradılsa da, adı çəkiləndə ilk ağıla yağış gələn əşya.

çətir bizim eramızdan əvvəl xi əsrdən istifadə edilməyə başlayıb. elə həmin vaxt çətirin yaranma tarixi hesab olunur. onun vətəni çin və ya misirdir.

adı çəkilən ölkələrdə çətir hakimiyyət simvolu hesab olunurdu, yalnız faraon və imperatorlar ondan istifadə edə bilirdilər. çətirlərin hündürlüyü 1,5 metr olurdu. əvvəllər belə bir peşə mövcud idi – çətirdaşıyan.



çətir hindistanda da sərvət və güc rəmzi hesab edilirdi. hökmdarların 13 çətiri olurdu, bunlar günəş və 12 bürcü ifadə edirdi. daha sonra çətirdən qədim yunanıstan və romada istifadə edildi.

qərbi avropada ilk dəfə çətir xvii əsrdə fransada yarandı. ilk günəş çətiri kətandan, qulp hissəsi isə sümükdən hazırlanırdı. ilk yağış çətirindən isə 1637-ci ildə xiii lüdovik istifadə etdi.

4 may 1975-ci ildə ilk qatlanan çətir yaradıldı. ilk vaxtlar ondan günəşdən qorunma üçün istifadə edilirdi. ingilis conas henvey 1750-ci ildə ilk dəfə çətirdən yağışa qarşı istifadə edən şəxsdir.

bir çox dillərdə “umbrella” kimi tanınan məşhur söz latın köklüdür. mənası “umbra”, yəni “kölgə” deməkdir.

çətiri kişi aksessuarı kimi dəbə gətirən şəxslərdən biri məşhur yazıçı daniel defo idi. onun qəhrəmanı robinzon kruzo keçi dərisindən olan çətirə malik idi. o illər ingiltərədə çətiri “robinzon” adlandırırdılar. 1970-ci ildə abş-da totes şirkəti tərəfindən çətirlərin satışına başlanıldı.

dünyanın ən böyük çətiri isveçdə hazırlanmışdır. onun diametri 240 sm-dir, çətirin altında 16 nəfər dayana bilir.