1. 1926-2009-cu illərdə yaşamış və öldükdən sonra məşhurlaşan amerikan fotoqraf qadın. maier 40 ilə yaxın dayə (uşaq baxıcısı) olaraq işləmişdir və karyerası ərzində 150.000-dən çox fotoşəkil çəkmişdir. çəkdiyi şəkillərin məzmunu, insanlar, eləcə də new york, chicago, los angeles şəhərlərinin memarlığı olmuşdur.

həyatı boyunca çəkdiyi şəkillərin heç birini başqaları ilə paylaşmamışdır. çəkdiyi şəkillərin çoxunu heç özü də görməmişdir. çünki şəkilləri çıxartmaq üçün lazımı qədər pulu olmamışdır. ümumiyyətlə yaşadığı müddətdə fotoqraf olduğunu heç kəs bilməmişdir. ta ki 2007-ci ilə qədər.

2007-ci ildə kolleksiyaçı John Maloof bir parkın tarixi haqqında kitab yazmaq istəyərkən köhnə fotolara ehtiyac duyur. təsadüfi şəkildə maierin çəkdiyi fotoları tapan john 2009-cu ildə bunları öz bloguna yükləyir. daha sonra isə şəkil paylaşma saytı olan flickr'da bunları paylaşır. minlərlə insanın marağına səbəb olan bu fotolar vivian maieri məşhurlaşdırmağa başlayır.

həyatı boyunca amerika həyatını əks etdirən 150.000-dən çox möhtəşəm foto çəkmiş olan bu qadın yalnız dayəliyindən qazandığı pullarla yaşamışdır. halbuki çəkdiyi şəkillər sayəsində milyonlara sahib ola bilərdi. vivianın çəkdiyi fotolara buradan baxa bilərsiniz.

2014-cü ildə maier haqqında "finding vivian maier" adlı sənədli film də çəkilmişdir.