1. sizə söhbət eliyirəm hardasa 4-5 ilin əhvalatın. işdən çıxmışam, gəzə gəzə gəlmişəm keçmiş zorge parkındakı dayanacaqda dayanıb avtobusun gəlməyini gözləyirəm. dayanacaqda körpə uşaqları olan ailə də dayandığına görə mən bir az aralıda dayanıb siqaretimi çəkirdim. son tüstünü də alıb buçoku dırnağımla yenicə uçurtmuşdum ki, bir də gördüm yolun o biri tərəfindən bir qız gah mənə əl edir, gah həyəcanla yoldan şütüyən maşınlara baxa baxa yolu qaçaraq keçməyə çalışır. maşınlar arasında seyrəklik yaranar yaranmaz yolu keçdi, yaxınlaşdı və "salam, nəhayət ki görüşdük" - dedi... mən də arsız arsız salam, necəsən? soruşdum. qızı tanımıram, niyə mənə yaxınlaşdığını da bilmirəm, ümumiyyətcə baş verənlərin bir oyun olub olmadığına da şübhəm var. amma mən də oyun oynayıram. ən ümumi sözlər və suallarla bu qızla elə söhbət edirəm sanki illərdi tanışıq. nə var nə yox, evdə necədi vəziyyət, hardan gəlirsən, necə gəldin kimi bir neçə sual və ardından gedək bir yerdə oturaq. getdik, oturduq, söhbət etdik kinolardan, verilişlərdən, kitablardan, qohum əlaqələrindən, dostlardan və söhbət əsnasında o mən soruşmadan öz adını vurğuladı, onda bildim ki adı ayşəndir. bir hardasa yarım saat söhbətdən sonra qız mənə qayıdıb dedi ki, mənim zaryadkam qurtarıb, icazə ver sənin telefonuna nömrəmi taxım, zəng edim evə. mən də düşünmədən telefondan öz nömrəmi çıxarıb verdim. o da nömrəsini taxıb telefonu yandıran kimi bir sms gəldi. "harda qaldın? bir saatdı səni burda gözləyirəm". qız o mesajı oxudu, mən artıq hər şeyi başa düşdüm, qız kimləsə üzünü görmədən netdə tanış olub, görüş vaxtı təyin ediblər, görüş yeri təyin ediblər və təsadüfən həmin yerdə və həmin vaxt mən avtobus gözləmişəm. görüşə birinci çatan qız da elə bilib ki görüşəcəyi adam mənəm. qısacası gülüşlə hər şeyi yoluna qoyduq. sonra bir müddət sevgili zad da olmuşduq hələ.