7. düşünüldüyü kimi yalnız fiziki hərəkətlərdən və nəfəs idarəetmədən ibarət deyildir. yoga bir bütündür, elmdir. fiziki hərəkətlər nəfəs hərəkətləri sadəcə yogaya hazırlıqdır buna hatha yoga deyilir. normal hatha yoga məşqlərində düzgün nəfəs alma öyrədilir, nəfəs hərəkətləri ilə bədənin enerji kanalları açılır ki düzgün enerji mübadiləsi getsin və doğru konsentrasiya ilə mənfi enerjilərdən, düşüncələrdən insan uzaqlaşsın. insan bədəninin kainatın enerjisindən daha çox faydalanması öyrədilir. bunlar sadəcə yogaya başlanğıcdır. bunları təkrar-təkrar edərək gerçək yogaya addımlayır insan. məqsəd isə sonda mükəmməl insan olmaqdır. keçirik artıq əsl yogaya. 4 yerə ayrılır:
1. raja yoga - özü 8 hissədən ibarətdir:
1) yama - insanın özünə hakim qaydaları (yalan danışmamaq, şiddətdən qaçmaq, oğurlamamaq, arzuların, şəhvətin, ehtirasın idarə edilməsi, sadə yaşamı seçmək)
2) niyama - yaşamla uzlaşma qaydalarıdır. arxasıyca gediləcək yolu göstərir (fiziki, zehni, ruh olaraq təmizlik, saflıq, yetinmək, hər vəziyyətdə düşüncəli davranmaq, müsbət düşünmək, dözümlü olmaq, səbrli olmaq, işləmək, öyrənmək, məqsəd qoyub arxasıyca getmək, mütləq varlığı qavramaq, öyrəniləni tətbiq etmək)
3) asana - fiziki duruşlardır. bütün sistemləri, onurğaları, daxili orqanları sistemli olaraq işlək edən hərəkət qruplarıdır.
4) pranayama - çakra sistemindəki yaşam gücünü axışını idarə edərək fiziki və zehni sağlamlığın əldə tutulması
5) pratyahara - zehni səssizləşdirmək üçün hisslərin geri çəkilməsidir. bunu yerinə yetirmək üçün astral, kundalini və çakra öyrənilib tətbiq edilməlidir
6) dharana - konsentrasiya bacarığını gücləndirmək, vizualı genişləndirmək
7) dhyana - meditasiya məşqləri. özümüzü səssiz şahid kimi görə biləcəyimiz məşqlər
8) samadhi - meditasiya zamanı insanı xoşbəxt edəcək səssizlik

2. karma yoga - ilahi bilinclə yaşamaq karma yogadır. həm bizi həm dünyamızı gözəlləşdirəcək hadisələrin sonunu fikirləşmədən gerçəkləşdirilməsidir. onsuzda vaxtı gələndə zamanı gələndə sonu görünəcəkdir.

3. bhakti yoga - yaradana sevgi ilə xidmət etməkdir. ibadət, dini mərasimlər və dua ilə edilir.

4. jnana yoga - var oluş və üstün zəkanı qavramaqdır. beyini işlətməkdir qısaca. analiz edib, izləyib cahillikdən qurtulmaqdır.

tantra yoga, naad yoga, laya yoga və s. isə bu 4 yoganın ortaya çıxardığı əlavə yoga növləridir.