10. anno domini ıx;

5-10 dəqiqəmi ayırıb bütün kədərimi qusacam sözlüyün başlığından. ac və xoşbəxt itlər yalasın hamısını.baxdığım ən təsirli filmin ssenaristinə hədiyyə olaraq sağ qolumu kəsib göndərə biləydim kaş. onda o da mənim təəccübləndiyim qədər təəccüblənərdi yəqin. aşa bilmədiyim divarlara adıvı yazacam.
vergül qoyub başqa divarda davam da edə bilərəm.
maraqlıdı tanrı daha neçə il dözəcək mənə?!
görməməzlikdən gəlməyi aldığınız təhsilə, oxumadığınız kitablara yoxsa qabartma tozlarına borclusuz?!
bağladığınız əmək müqaviləsində saatınız nə qədər edir?!
ən son nə zaman maaşınızı içmisiniz?!
istefa ərizənizi yazın sizə iki qatını verib ömürlük istəyirəm. mənim sizə olduğundan çox sizin mənə ehtiyacınız var.
adam adəmə, adəm tanrıya, tanrı mənə bənzəyir.
boşluq.
böyük boşluq.
işığın belə keçə bilmədiyi 60 kiloluq boşluq. həyatına girən bütün insanları bu boşluğa dartıb yox edib sonra peşman olan boşluq. zəhmət olmasa bələdiyəyə xəbər verin öhdəsindən gəlsin bu boşluğun.
dünyanın ən bədbəxt adamları hisslərini ifadə edə bilməyən adamlardı ki, mən bu adamların ifadəsizliyinin və bədbəxtçiliyinin bariz nümunəsiyəm.
çünki heç nə hiss etmirəm.
deyilənə görə qırmızı işıq saçan ulduzlar bizdən uzaqlaşır.
deyilənə görə çoxdan çox ulduzlar qırmızı işıq saçır.
bir adamı yıxmaq istəyirsənsə, seksin ortasında bir siqaret yandır.
paxmel və əsəbiyəm.
olsun, paxmel bir şüşə pivəyə, əsəb isə yaxşı orqazmla keçər, narahatçılığa dəyməz.
bəs yalnızlıq nə ilə keçir?!
harda başlayır, ən dibdə yoxsa doğum evlərində?!
oğlan uşaqları nə vaxt böyüyür?!
gələn dəvətnaməyə atalarının əvəzinə gedəndə?!
mən isə hələ indiyə qədər getməmişəm və hələ də atamın paltarları əynimə olmur.gördüklərimin hansı həqiqətdi?!
bəlkə göz qırpmalarda görmədiklərimdi elə həqiqətin...
düşünürəmsə deməli məhv ola bilərəm!
dodaq yeri qoymadan ağzına qədər doldurduğum peşmançılıqları bir nəfəsə aşırtmışam. indi o qədər peşmançılığı yerdən peşmançılıqla təmizləmək heç yaraşmayacaq mənə. ziyanın yarısından qayıdan hamı xeyir tapıb məndən başqa.
adım heçyox olmalıydı.
nə istəsən edə bilərsən, vacib deyil,danış və boşal olsaydı da olardı. səhər ayı, gecə günəşi mən isə adımı batırmışam. dənizlər gəmiləri mən isə hikkəmi boğmuşam.
işıq bulanıqdı. sınmaq işığın qanunudu. işıq gecənin ağzından girib mədəsində yox olub.
nə isə.
deyə bilmədiyim hər sözə çoxdan çox nəysələrim var. nəysələri buraxıb içimə atdıqlarımın üstündən sifonu çəkmək üçün də kifayət qədər alkaqol.
hər on ildən bir intihar edən qadın varıymış. intihar etmədiyi vaxtlarda yumub gözlərini açırmış gül ağzını dünyanı öpmək üçün. dünya çevirməsəydi üzünü intihar etməzdi yəqin. insan gərək hissə-hissə yox bir dəfəlik ölə.
ümidi, inancı, həvəsi öləndən sonra ölməyə...
şahdamar və mat;
formidable! (ceci n'est pas une leçon)