2. 76 il əvvəl, bugün, 22 iyun tarixində, nasist almaniyası'nın hərbi qüvvələri, ssri ilə olan "hücum etməmək haqqında" olan paktı pozaraq, "barbarossa əməliyyatı" adı altında ssri'nin işğalına başladı.
hitler hələ 1925-ci ildə, "mənim savaşım" kitabında alman xalqının daha geniş ərazilərə yayılmağı üçün ssri'dən torpaq qoparmağın vacibliyini vurğulamışdı. hitler'in alman ordusuna olan hədsiz inamı, ssri'nin finlandiya olan müharibədə uğursuzluğu hitler'i ssri'yə qarşı müharibəyə başlamağa sövq etdi. hitler'in generalları ssri'yə qarşı müharibəyə girişməyin son nəticədə uğursuz olacağını qeyd etsə də hitler fikrindən dönmədi. hətta hitler ordusuna o qədər güvənirdi ki, ssri kimi nəhəng bir ölkənin qışa kimi tam işğal edəcəyini zənn edirdi. buna görə də ordunun sadəcə 20%'i qış geyimi ilə təmin edilmişdi.
əslində, barbarossa əməliyyatına may ayının ortalarında başlamaq nəzərdə tutulmuşdu amma italiyan ordusunun yuqoslaviya və yunanıstanda məğlub olması əməliyyatı bir ay yubatdı.
nəhayət, 22 iyun tarixində başlanan hücum əməliyyatları, əvvəlcə hitlerin nəzərdə tutduğu kimi getdi. sürətlə irəli gedən alman ordusu qızıl ordunu əzərək moskvaya qədər olan əraziləri tutdu. amma dekabrın 5-ində alman ordusu ilk dəfə olaraq moskva ətrafında dayandırıldı. bəzi yerlərdə alman ordusu moskvanın 5 km-lik məsafəsinə qədər yaxınlaşsa da moskvaya girə bilmədi. bundan sonra barbarossa əməliyyatı ləğv edildi. davam edən əməliyyatların uğursuzluğu da elə nasist almaniyası'nın çöküşünə apardı.