4. uzun zamandan bəridir, istər əsgər ölümləri aksyaları zamanı istərsə də gənc bloggerlərin həbsləri zamanı hökümət əleyhinə twitləri ilə diqqət çəkmiş ama bu prostest tutumunu twitter'dən qırağa çıxara bilməmiş, çıxarmamış, gəl ki yenə də, harlem shake çəkənlərin ağır cinayətlərə dair işlər üzrə dövlət teatrı'na çağırıldığı bir ölkədə bizim bildiyimiz heç bir qulaq burması verilməmişkən, aztv haqqında süjetlərindən sonra birdən birə polemikaların ortasında qalmış atv jurnalisti, şoumen, bozbaş pictures aktyoru.


#45438 entrydəki səslənən fikir mənim də beynimi işğal etmişkən ağlıma bir fikir daha gəlməkdədir.

birincisi ya bu həqiqətən də hökümətin bizə medya vasitəsi ilə oynadığı iyrənc bir iyi polis kötü polis oyunudur, ya da hakimiyyət bu gənc adamdan vaxtında istifadə elədi ama indi etdikləri bəlkə özü də istəmədən elə təhlükəli bir nöqtənin notlarına basır ki, artıq daha uzağa getməsinə icazə vermək olmaz. ya batıracaqlar ya da ağlını başına yığıb, açıldığı dərinlikdən yavaşca öz dayaz sularına qayıdacaq. hamımızın dayazlığına.

bu təhlükəli nöqtələr nədir bəs? mənə görə bu iqtidarla məzələnməkdir.

baxın bu insan, istər əsgər ölümləri aksiyalardında olsun istər gənc bloggerlərin məsələlərində olsun ümumi protest ağzın medya ayağı idi. bu isə iqtidar cəbhəsində iki səbəbdən qəbul görürdü çünki bu protestlər, şüuraltımız vasitəsi ilə də olsa iqtidara bəli biz səni və sənin gücünü görürük minvalında radyo dalğaları yollamamıza səbəb olurdu. bunu biz yox, iqdidarın toplum mühəndisləri hiss edir və bu protestoların kontrollu şəkildə yayılmasına imkan verirdilər. amansızcasına dağıdılmış da olsa bu tip protest mitinqlər diktatorial rejimlərin ayaqda qalmasını asanlaşdıran amillərdən biridir.

ayrıca, onsuz da görüntülü medyada iqtidara qarşı hardasa heç bir səsin yüksəlməməsi hakimiyyətin bu qardaşa biraz təmkinli yanaşmasına səbəb olurdu. ekranda quşlamadığı müddətcə, twitterdə filan arada bir iki şey paylaşması, ölkədəki medya azadlığına dəlalət edəcəyindən bu lazımlı da idi.

ancaq bu səfər başqa birşey oldu. ilkin açıq şəkildə aztv ilə məzələnməyə başladı. aztv isə hakimiyyətin medya politikasının ən önəmli ayağıdır. bu qurumun ciddiyətinin itməsi hakimiyyətin medya politikasını səktəyə uğrada bilər. və bu olduqca təhlükəlidir. sosyal medyada hər nə qədər əksi də görünsə də aztv'nin ölkədə hələ də təsir qüvvəsi böyükdür və bunun medyada etibarı olan biri tərəfindən zədələnməsi qəbul ediləcək birşey olmazdı.

diktatorial rejimlərdə ciddiyə alınmaq ən böyük politikadır, bütün pullar buna xərclənir. sizin onsuz da süni dəyərlər üzərinə qurulmuş ideologiyanızı ciddi protestlərdən daha çox ciddiyətsiz yanaşmalar zədələyə bilər və bunun qarşısı birmənalı şəkildə alınmalıdır.

ona görə də məhz indi ilkin hacıbəy yoluyla düzgün yola dəvət olundu. əgər səhfini görüb geri dönərsə hər şey onun üçün yaxşı olacaqdır, əks halda isə izləyəcəyimiz şeyləri hamımız bilirik.

çox zəyif olsa da bir üçüncü versiya da budur ki, ilkin hansısa qodoman oliqarxın qohumu filandır və sadəcə mırtdaşır. belə baxılanda hacıbəyin butulka üzərində olduğunu görə bilirəm sehirli kürəmdən. -* ama dediyim kimi bu mümkün olmayacaq qədər zəyif bir ehtimaldır.



edit: iqtidarın ciddiyətini zədələmə məsələsində gənclərin iğtişaş planı ifşa edildi videosu da gözəl bir örnəkdir. təbii, kor koranə tarqovida işə yaramaz mitinqlər edib bir yandan döyülərkən bir yandan da qarşı olduğun sistemə dolaylı xidmət etməkdənsə bu cür sizi ciddiyə almırıq mesajları daha çox effektli olacaq.

ama belə olan halda veriləcək cəzalar mitinq cəzalarını kölgədə qoya bilər, diqqətli də olmaz lazımdır.

edit2: 2 oktyabr 2013 mehman hüseynov'un oğurlanaraq baş prokurorluğa aparılması bir daha rejimimizin ən böyük fətişinin ciddiyə alınmaq olduğunu sübut etdi zira mehmanın saxlanılma səbəbi prezident seçkiləri ilə bağlı hazırlanmış satirik videolar idi.