1. houdini ilə ilk tanışlığım internet saytdan tapdığım əli zəncirli bir şəkli sevməm nəticəsində olmuşdu.əsl adı erik weisz olan macar illuzionist. houdini özünün abşın viskonsin ştatında anadan olduğunu bildirsə də, sənədlərdə fokusçunun budapeştdə göstərilmişdir.daha çox kilitlənmiş halda qurtulmaq və ya bağlanmış qutudan çıxmaq göstəriləri ilə məşhurlaşmışdır. 1984də evləndiyi beatrice houdini ilə səhnələri paylaşmağa başlamışdı.1900cü ilə qədər bir çox göstərilərdə yer alsa da daha 1900cü ildən sonra çox təhlükəli nömrələri ilə eləcə də avropa turu zamanı o, canlı filin yox olması tryuku ilə dünyanın diqqətini öz üzərinə çəkə bilmişdir. səhnələrin birində houdini əl və ayağı zəncirlənmiş bir qutunun içində saxlanır. və qutu da eyni şəkildə zəncirlənərək gəmidən suya buraxılır. bir neçə dəqiqə sonra isə houdini artıq gəmidə görünür. 1908-ci ildə rusiya qastrolu zamanı o, butırka həbsxanası və petropavlovsk qalasındakı ölümə məhkum olunmuş məhbusların kamerasından xilas olunmasını nümayiş etdirmişdir. məhbus paltarında bağlı həbsxana kamerasına salınsa da, bir neçə dəqiqədən sonra oradan çıxaraq qonşu kameraların qapısını açmış, hətta məhbusların yerlərini dəyişmişdi. daha sonra soyunub-geyinmə otağına daxil olmuş və on beş dəqiqədən sonra kütlə qarşısına öz kostyumunda çıxmışdı.
houdinin ölümü də sirlərlə əhatələnmişdir. monrealda qastrol zamanı o, öz qrim otağında dincələrkən, onun yanına aralarında boks üzrə kollec çempionu olan 3 tələbə gəlir. o, houdinidən onun heç nə hiss etmədən bir neçə güclü zərbəyə necə dözə bilməsini soruşur. houdini fikirli halda başı ilə bunun düzgün olduğunu təsdiqləyir. tələbə gözlənilmədən ona 2 və ya 3 zərbə endirir. houdini onu güclə saxlayaraq deyir: "gözləyin, mənə hazırlaşmaq lazımdı". press halını alandan sonra bildirir: "indi vura bilərsiz." tələbə bu dəfə zərbə endirəndə houdininin qarnındakı güclü pressin olduğunu hiss eləyir. tələbələr gedəndən sonra, houdini gözlənilmədən vurulan birinci zərbələrdən ağrıyan hissəsini ovxalayır. houdini həmişəki kimi buna diqqət yetirmir və bir neçə gündən sonra məlum olur ki, bu zərbələr onun appendiksinin partlamasına səbəb olub və nəticədə peritonit yaranmışdır. 1926-cı ildə də təbii ki, antibiotik yox idi, houdini ancaq möcüzə sayəsində sağ qala bilərdi. hamı onun ölümə bu dəfə də qalib gələcəyinə inanırdı. amma 9 gün sonra, 1926-cı il 31 oktyabr tarixində hellouin günü harry houdini detroytda dünyasını dəyişir.
(baxma: 1923-cü il 17 iyul tarixində "st.cecile" mason lojasına 568 nömrəsi ilə qəbul olunmuşdur. həmin ilin 21 avqust tarixində usta mason dərəcəsini almışdır)