4. izlərkən dəyişik duyğulara qapıldığım hadisədir. etirazın müsbət və mənfi çalarlarının cəmiyyətimiz baxımından çox önəmli olduğu fikrindəyəm.

əvvəla deyə bilərəm ki, etiraz hər bir insanın mənəvi və hüquqi haqqıdır. bizim bunu dərk etməyə başlamağımız artıq ictimai fikrin və ictimai qınağın formalaşmasından xəbər verir. xüsusilə də, gənc tələbələrin bunu etməsi - daha da dərinə getsək, gələcək pedaqoqların etiraz aksiyası təşkil etməsi önümüzdəki onillikdə sağlam toplumun formalaşmasına doğru atılan önəmli addımdır.
digər xoş bir məqam artıq çoxdan şahid olmadığımız bir hadisə ilə üzləşməyimiz oldu. nəhayət ki, məsul bir şəxs camaatın qabağına çıxıb insanların tələblərini dinlədi. çox acınacaqlıdır, deyilmi - bütün məsuliyyəti çiyinlərində daşıyan birinin etirazçılara səslənməsi artıq bizə sevinc bəxş edir.
varan 3. kütlənin içindən seçilmiş birinin çıxıb nəyə etiraz etdikləri, tələblərinin məzmunu barədə açıqlama verməməsi diqqətimi cəlb edən digər bir xüsusiyyət oldu. ora toplaşanlar ya həqiqətən də haqsız olduqlarını, etirazlarını əsaslandıracaq dayaq nöqtələrinin olmamasını dərk edirlər, ya da hadisələr sakitləşəndən sonra rəhbərliyin atacağı iyrənc addımlar fonunda qaralama kağızı olmaqdan çəkinirlər.

indi isə gələk ən axırıncı və zənnimcə ən ürəkağrıdıcı məsələyə. təsəvvür edin ki, bütün çətinliklərə, haqsızlıqlara, oğraşlıqlara dözən/boyun əyən/göz yuman bir toplumun quyruğu qapı arasında nə qədər sıxışmalıdır ki, onlar etiraz etməyə cürət etsinlər. danılmaz faktdır ki, yaşadığımız cəmiyyətdə etiraz sonuncu çıxış yolu, stəkandakı suyun daşmasına səbəbiyyət verən sonuncu damladır - və o damla pedaqoji universitetdə yazılı imtahana keçid oldu. əminəm ki, etirazçılar içindən ən səmimisini bura çağırıb nədən şikayətçi olduğunu soruşsaq deyəcək ki: indiyə kimi oxumamışıq, innən belə də oxumaq istəmirik.
vəziyyət bu qədər zimbabwesayağıdır yəni. əcnəbi qara qüvvələr şikayət edirlər ki, universitetlərdə mütailəyə kifayət qədər vaxt ayrılmır, biz isə deyirik ki, mənim məsələyə baxış açımdan sənə nə, sual ver - cavab al. sevmişəm yazılı imtahanınızı.