2. digər adı nəbatat bağı olan ərazi. uşaqlığımın müəyyən dönəmlərinin söhbətlərinin bura və ya ətrafı ilə bağlı olması məlum xəbəri eşitdikdə kədərlənməyimə səbəb oldu. hökümətin fəaliyyəti ilə bağlı nəsə yazmayacam bu enrtydə. zira artıq söz ehtiyatım, enerjim tükənib. bu entrydəki məqsədim yaddaşımda botanika bağıyla bağlı məlumatları sözlüyün arxivinə köçürtməkdir. vaxt gələr lazım olar bəlkə.
mərkəzi ordu idman klubu və ya bakı camaatının dili ilə eskanın arxasında bir ucu badamdara qədər uzanan geniş bir ərazidir. uşaq ikən bura ilə bağlı əfsanələri dinləməyi sevərdim. "adam öldürənlər cəsədləri ora atırlar", "soyğun edənlər qır-qızılı, pul-paranı orda gizlədirlər", "keçən dəfə bizim uşaqlar ordan qızıl tapıb", "qızla oğlanlar orda öpüşürlər", "botanikanın həyətində kalaşnikov, limonka tapılıb" kimi cümlələr bu bağı mənim üçün dəhşətli dərəcədə sirrli bir yer etmişdi. yaşca nisbətən böyüdükdən sonra hardasa 3-üncü 4-cü sinifdə bu marağa son vermək üçün dostlarımla birgə bura səyahət etməyi qərara aldıq. beton hasardan atladıq ve bağın içinə girdik. normalda bura girmək qadağandır zira qoruq sayılır. onu da deyim ki hardasa bu vaxtlar idi, yəni yaz fəsli idi. ağaclar yamyaşıl, fərqli fərqli bitkilər, yanılmıramsa içində qızıl balıqlar olan hovuz da var idi orda. yazıçı lazımdı ki oranı vəsf edə. bu işə girişməyəcəm. fəqət onu deyə bilərəm ki həyatımda gördüyüm ən gözəl məkanlardan biri idi botanika bağı. vallah, bağdaki bitkilərin qoxusu hələ də burnumdadır. nəysə, uşaqlarla buranı gəzdik nəyi var. yadıma gəlir ki o vaxt bbc`nin binası bu bağın içindəydi. bbc`nin işarəsi olan bina, qabağındaki jeepi xatırlayıram. ilk dəfə tele qülləni də yaxından burda görmüşəm. cəmi bircə dəfə ərazisinə girməyimə baxmayaraq çox xoş xatirə kimi qalıb yaddaşımda. hakimiyyət isə tək-tək yaddaşımla bağlı olan məkanları sökür.