1. mahsun kırmızıgülün son filmidir. rolları mahsun kırmızıgül, talat bulut, mert turak, seda tosun, meral çetinkaya, ali sürmeli, erdem yener, cezmi baskın, cihat tamer ifa etmişdir. çghb-dən xatırladığımız büşra pekin və metin yıldızı da filmdə görə bilərsiniz. filmin büdcəsi 5 milyon dollardır. film palmalinin dəstəyi ilə çəkilib.

təəssüratlara gəldikdə isə filmdən 2saat əvvəl çıxmışam. isti-isti yazım fikrimi. film gözəl filmdir. çox gözəl də alınıb. mahsunun new yorkta beş minare, güneşi gördüm filmlərini izləmişəm. o iki filmdə olduğu kimi yenə kürdlərin cəhalətə tərk edildiyi göstərilib. bəzi yerlərinin milliyyətçi hətta, " milliyyətçi deyiləm, sadəcə millətimi sevirəm" deyənləri də qıcıqlandıracağını düşünürəm. halbuki adam -səmimi olsun və ya olmasın- məntiqli səbəblər göstərir. məsələn, kürd millətinin döyüşkənliyinin səbəbi əsasən cəhalət olmuşdur. bəs cəhalətin səbəbi nə olmuşdur? cəhalətin səbəbi isə türkiyə dövlətinin o bölgələrə laqeyd, ögey münasibəti olmuşdur. mahsun filmlərində, xüsusilə bu filmdə eşkiya və s. söhbətlərini də daxil etməklə bunu deməyə çalışmışdır məncə. amma filmdə eşkiyaların gəlib məktəb tikintisinə kömək etməsi, onların müsbət göstərilməsini bəyənəcəklərini düşünmürəm.

aziz rolunu ifa edən mert turak əjdaha oynayıb. həqiqətən ləzzət elədi. sadəcə möhtəşəm. çox vaxt bu ağırlıqda dram filmlərində komediya hissəsi sönük qalır. burda isə tam ürəkdən güldüyüm səhnələr oldu kifayət qədər. salonda ağlaşırdılar. biraz da atmosfer təsirilə mən də kövrəldim.

qısacası gözəl filmdir. 8.6/10



--spoiler--


filmin gerçək hadisələr əsasında çəkildiyi yazılır onsuz da əvvəldə. amma mənimçün əsas can alan nöqtə sonda gerçək həyatdakı o qəhrəmanın həyat yoldaşıyla şəklinin göstərilməsi oldu. gerçək olmadığı müddətcə xoşbəxt sonluqlardan xoşum gəlmir.


--spoiler--