1. əsasən 10-15 yaşdan sonra bir çox insanda sürətli boy artımı dövrü başlayır. bu dövr bəzilərində 20 bəzilərində 25ə qədər davam edir. genetik faktorlar olsa belə boy uzanmasına təsir edən əsas faktorlar həyat tərziylə bağlıdır. sağlam qidalanmama və passiv həyat tərzi boy uzanmasına mane olur. kömək üçün bir neçə məsləhət verəcəm. hər bir insan səhərlər mütləq səhər idmanı etməlidir. çünki yatan zaman əzələlər sümüklər boşalır ona görə səhər idmanının sümüklərə təsiri qalıcı olur. uşaqlar balaca vaxtından basketbol və ya üzgüçülüklə məşğul olsa boy artımına xeyli müsbət təsiri olar. və ya velosiped sürmək, turnikdən müntəzəm olaraq dartınmaq və bu kimi gündəlik təkrarlanan fiziki proseslər insanın genetik boyuna bir neçə sm əlavə edə bilir. amma bütün bunların baş verdiyi bir həyat tərzinin içində mütləq şərt sağlam qidalanmadır. gün ərzində azı 2-3 litr su içmək mütləqdir. suyu bir dəfəyə yox müəyyən saat aralıqlarında gün ərzində içmək lazımdır. məsələn bir su qabını doldurun və fikirləşin ki bu suyu bu gün ərzində içib qurtarmalıyam. qidada isə ət, balıq, tərəvəz yeyilməlidir. çips, kola, spirtli içki mümkün qədər azaldılmalıdır. bütün bunların fonunda boy uzatmayla yanaşı sağlam həyat tərzinizlə əlaqədar həm müsbət ruhlu olacaqsız, həm də uzunömürlü.