6. sam mendesin çəkdiyi "james bond" filmi. hazırki james bond seriyasının kastına yenilik olaraq christoph waltz, léa seydoux, dave bautista, monica belluci və andrew scott oldu.
ilk əvvəl monica bellucinin adını eşitmək insanda böyük maraq və həvəs yaratsa da, təəssüf ki, qarşılaşılan sadəcə belluci olan qısa bir epizod oldu. posterdə gördüyümüz skelet kəlləsi filmin əvvəlindəki festival ilə əlaqəsi olmayıb, əsərdəki məzmuna görə ölü olaraq bilinən "blofeld"-in filmdəki antaqonist rolunu bildirir. film soundtrack-inə görə oscara namizəd göstərilib və qızıl qlobusa layiq görülüb. 250 milyon dollar büdcəsi olan film 700 milyon dollara yaxın gəlir əldə edib.
ümumiyyətlə hər dəfəsində düşünmüşəm ki, əgər hansısa filmə növbəti davam seriyaları çəkiləcəksə, uğur əldə etmək üçün çəkilən filmlərin hər biri əvvəlkindən daha yaxşı olmalıdır. (bax: lord of the rings)

çünki tamaşaçı bunu tələb edir. bütün rəylər göstərir ki, "spectre" çox da bəyənilməyən, başqa sözlə desək çox müzakirə olunan bir film oldu. lakin "spectre" ümumilikdə götürəndə pis film deyil. sadəcə "skyfall"-dan pis filmdir. bunun səbəbi bizi biraz maraqlandırsa görürük ki, sam smithin "writing's on the wall"u adele-in "skyfall"-undan daha pisdir. christoph waltz-un performansı javier bardeminkindən zəifdir. (waltz əla aktyordu, orası öz yerində). bütün bunlar bir qırağa, "skyfall"da judi dench hələ var idi.

--spoiler--

bütün bunlara əlavə olaraq, filmdə "klişe"-lər öyrəşilmişdən çox idi. əlbəttəki bir james bond filmində belə şeylərin olması vacibdir ama mənasız yerə sean connery tərzində epizodlar insanı filmdən soyudurdu. səhranın ortasında ən azı 70 illik rolls royce-un bond üçün gəlməsi, bonda yaddaşitirmə iynəsi, helikopter səhnəsi və s. çox da uğurlu alınmıyıb kimi düşünürəm.

--spoiler--