6. bu mövzu zaman zaman gündəmə gəlir və həm əleyhinə olanlar həm də tərəfini saxlayanlar əslində haqlı qayğılara istinad edirlər. yəni məsələyə heç də birmənalı yanaşmaq olmur. mənim müşahidələrimə görə tərəfdarları rus dili dedikdə bmt nin 6 əsas dilindən biri olan, avrasiyada bir çox ölkələrin və xalqların əsas ya da ikinci işlək dilini müdafiə edərkən, əleyhinə olanlar dövlət müstəqilliyi təlaşı, ölkələrdə rus imperializminin təbliğatı və beşinci kolonları qorumağa çalışması, ideoloji zərərlərini nəzərə alaraq haqlı qayğı duyurlar. bir birini qarşılıqlı ittiham edərək yaxud daha pisi təhqirlərə yol vermədən soyuq beyinlə hər iki tərəfi dinləyib nəticə çıxarmaq gərəkdir. bu məqsədlə bu və xüsusən altdakı #202498 entridə hər iki tərəfin fikirləri əks olunmuş ictimai müzakirələri paylaşıram

p.s türk liseyi məzunuyam. türk dilini ikinci ana dil kimi bilirəm və istifadə edirəm. həmçinin türk dili qədər işlətdiyim xarici dil ingilis dilidir. atam universiteti ukraynada bitirib. rus dilini aksentsiz danışa bilirdi. burada universitet bitirmişəm. universitet vaxtı diplom işimə görə mənim üçün tərcümələr edirdi. əmim illər öncə praqmatik davranaraq * qohumların çoxu rusiyadadır oğlunu rus sektoruna qoyub və indi o, 11 ci sinifdədir. əmioğlu rus dilini hətta təmiz rus ləhcəsi ilə danışdığına görə məktəbdə rus dili müəllimi tərəfindən qınanmışdır (!) "sən azərbaycanlısan öz ləhcəni niyə korlayırsan" əmioğlu hazırda universitetə ı qrupdan imtahan vermək ərəfəsindədir və təbii olaraq qayğılıdır. ona burada qəbul oluna bilməsən, narahat olma ukraina ya da rusiya var. yaxud türkiyə. deyir türkiyəni istəyirəm amma dil problem olacaq...

erkin qədirli mənə universitetdə dərs deyib və aşağıda gətirdiyim sitatı ilə razıyam.


erkin qədirlinin özü rus sektorunu bitirdiyi halda indi niyə buna qarşı çıxır?

3. "Rus sektoru"nda təhsilin keyfiyyəti Azərbaycan bölməsindən yaxşıdır.

" Belə deyirlər, yəni. Bunu deyənlərin müşahidə qabiliyyətinə şübhələrim var. BDU-da Hüquq Fakültəsinin Azərbaycan bölməsində 12 il dərs demiş bir adam kimi, məsuliyyətlə deyirəm ki, bu iddia yanlışdır. Qəbul imtahanlarında ən yüksək bal alanlar da, universitetdə daha böyük həvəslə oxuyanlar da, oxuduqlarını daha yaxşı anlayalar, nə üçün oxuduqlarını aydın bilənlər də bu gün, əksərən, Azərbaycan bölməsinin yetirmələridir. Bu günün "Rus sektoru", Sovet zamanında olmuş Azərbaycan bölməsinin səviyyəsindən də aşağıdır. "Rus sektoru"nun üstünlüyünü şərtləndirə biləcək sistem tələbatı yoxdur, çünki. Sovet zamanı vardı, bu gün isə yoxdur. Soveti görmüş nəslin nostaljik ətaləti hesabına davam edən bir hava var, sadəcə. .."

link