10. tanım: vətəni sevməkdir

qeyd
dəyərli dostlar! mən həqiqətən bu boğazdan yuxarı vətənpərvərlikdə yoxam. cəmiyyətdə vətən torpaqlarının azad olunması üçün əhval ruhiyyəni qaldırmaq vacibdir. ancaq qətiyyən realizmdən uzaqlaşdırmaq, yalançı pafosla dövləti və milləti məcaraya sürükləmək olmaz. bir mükalimədə bunun şahidi ola bilərsiniz. deməli, "reytinq" saytında hörmətli akif nağıya bu sual verilir: "ötən həftə reytinq qəzetinə müsahibə verən millət vəkili fazil mustafa isə fərqli mövqe sərgilədi. deyir ki, burada təkcə ordunun gücü yetərli deyil, hazırda azərbaycanın uzun müddətli müharibə apararaq qarabağ münaqişəsini tamamilə həll etməsi üçün imkanlar yoxdur…"
cavab isə yenə də həmin pafosun ta özüdür: "təəssüf ki, belə fikirlər əvvəllər də, indi də səsləndirilir. amma mən bu mövqeyi təslimçilik kimi qiymətləndirirəm. "biz müharibə edə bilmərik, kimlərsə buna razılıq verməlidir",- kimi fikirlərə son qoymaq lazımdır. heç bir dövlət azərbaycana qarşı haqlı mövqeyinə uyğun addım atdığına görə sərt reaksiya verməyəcək. biz o yanaşmadan fərqli mövqe ortaya qoyuruq ki, haqlı mövqeyimizi dünyaya qəbul etdirməliyik."
əvvəla burada söhbət məsələnin tamamilə, yəni kökündən həlli imkanlarından gedir və hesab edirəm ki, indiki dünya konyekturasında arzuladığımız imkanlar görünmür. ikincisi, buyurun, kimsə ilə hesablaşmırıqsa, elə savaşa başlamışdıq, sona qədər gedərdik də... deməli hələ ki, rusiyanın mövqeyi ilə hesablaşdıq da...demək ki, yalnız ordu gücü ilə məsələ həll olunmur, həm də aparıcı güclərin mövqelərinin dəyişməsi, ermənistanı dəstəkləmək siyasətindən əl çəkməsi zəruridir. indiki halda hələ ki, bunun əlamətləri görünmür. ancaq çalışmalıyıq, vəziyyəti dəyişməliyik, eyni zamanda saxta vətənpərvərlik havasında cəmiyyətimizi də real vəziyyəti doğru qiymətləndirməkdən uzaqlaşdırmamalıyıq. bunun adına istəyirsiniz deyin, ancaq cəmiyyəti ən böyük vətənpərvər obrazınızı qorumaq naminə saxta pafosla yükləməyin! (c) fazil mustafa