3. müsəlmanam. yəni ən azından bir tanrının varlığına inanıram və olmadığına dair yetərli bir fakt kəşf edilə bilməyəcəyini düşünürəm. yəni, həm müsəlman, həm deist, həm də aqnostikəm və dini düşüncələrimdən, hələ də ümumi bir yerdə din barədə söhbətlər etməyi heç sevmirəm. etdiyim yaxşılıqlar, kömək etdiyim insanlara varlığı təsdiq olunmuş və ya olunmamış cənnətə getməkdən ötrü deyil, dünyanı daha gözəl bir hala gətirmək üçün edirəm. və məncə, cənnətə düşmək üçün yaxşılıq edənlər, şirkətdə yüksəlmək üçün yaltaqlıq edənlərdən fərqlənmirlər.

indi mən niyə bu qədər uzun bir giriş etdim, çünki nə vaxtsa uşağım olduğunda, onu böyüdəndə bu etdiklərimi etməsini öyrədəcəyəm. dini seçim etməyi deyil də, dinə o qədər önəm verməməyi və yaxşı insan olmağı öyrədəcəyəm. bu gün isə xəbərlərdə bu adı çəkilən komitənin həyat bilgisi dərsliklərinə dini bilgilərin artırılması ilə bağlı müzakirəsini eşitdim. həyat bilgisi dərsliyinə. həyat bilgisi. həyat bilgisi dərsliklərindən xəbərim var. dərslərin növü və genişliyindən. dini mövzuların yetərincə yazıldığını düşünürəm. islami dini bayramlar ilə bağlı ayrı dərslər, quran-i kərim ilə bağlı ayrı, ümumi müsəlmançılıq - kəbə, peyğəmbər ilə bağlı ayrı bir dərs var. yəni ümumilikdə, kifayət qədər biliyin olduğuna inanıram.

adını həyat bilgisi qoyan bir dərsliyin dini bilgilər yerinə yaxşı insan olmağı, yerə zibil atmamaq, irqçilik, cinsiyyətçilik və milliyətçilik ilə bağlı dərslər hazırlanması, dürüstlük, doğruluq və kitab oxumaq kimi lazımi və hal-hazırda olduqca az olan bu dəyərlərə daha çox diqqət verilməsinin lazım olduğunu düşünürəm. yəni dini bilgilər, nəinki azdır, hətta kifayət qədərdir. din insanları yaxşı etməz, yalnız sərhədləndirər. mənim namaz qılmayıb donuz əti yeyən çox yaxşı dostlarım var, və #230251 saylı yazdığım entry-lərdəki kimi insanlar da.

tanım: arada hələ də fəaliyyətdə olduğunu göstərmək üçün lazımsız qərarlar alan qurum.