1. dünyanın demək olar ki, heç bir ölkəsində məşhur olmayan, lakin bütün mühəndislik sahələrinə lazımlı olan ixtisaslar biridir. səhv etmirəmsə əksər mühəndisliklərdə fundamental materialşünaslıq keçilir. səbəbi də bundan ibarətdir ki, mühəndislik nəyisə tikmək, yaratmaqdan ibarətdir və bunun üçün də hansısa materiallardan istifadə edirsən. o materialların nə olduğunu bilmək üçün də materialşünaslıqdan anlayışın olmalıdır. ümumi olaraq materialların xassələri, görünümləri, işlənmələri, kəşfi, qısaca materiallarla əlaqəli hər şeyin öyrənildiyi bir ixtisasdır. əsasən kimyanın üstünlük təşkil etdiyi ixtisas olmasına baxmayaraq, tezisə görə bunu fizikaya tərəf yönləndirmək olur. riyaziyyat onsuz da hara getsəniz sizdən əl çəkməyəcək orası ayrı məsələ. bizim ölkədə metallurgiyanın bir qolu olaraq getsə də dünyada metallurgiyadan çoxdan ayrılıb və tək başına yoluna davam edir. daha çox tədqiqata meylli sahədir. iş yeri isə sırf sizi işə götürən şirkətə görə dəyişir. avtomobil zavodunda da işləyə bilərsiniz, laboratoriyada da. bu artıq sizin hansısa sahə üzrə özünüzü inkişaf etdirməyinizdən asılıdır. belə deyim jet motorlarında istifadə olunan superalloy da, led, lcd tipli ekranlarda istifadə olunan quantum dot hissəcikləri də bu sahənin məhsuludur.