3. sözlük yazarlarının vaxtaşırı keçirdiyi, plansız olan, heç bir xüsusiliyi olmayan, təsadüfi alınan görüşlərdir. məsələn, 24 iyun 2017 tarixində france coffee houseda belə görüşlərdən biri təklif və təşkil olunmuşdu. təşkilatçılara və iştirakçılara təşəkkür edib görüş barədə öz mülahizələrimi yazıram

başladıqdan 15 dəqiqə sonra, bakı sumqayıt qatarının yolunda aparılan cari təmir işləri ilə əlaqədar olaraq intervalın gecikməsi səbəbilə görüşə gec çata bildim. zəhmət çəkib dışarıda məni qarşılayan dəyərli yazarımız sayəsində müsbət əhvalla kafeyə gəldim, bir neçə tanış sima və xeyli tanımadığım insanları salamlayıb keçib əyləşdim. üstəlik, gec gəlmənin verdiyi dəqiqələrcə * mənə uzun gələcək qədər sükutla məclisi süzüb söhbətlərin istiqamətini tutmağa çalışdım. çox ciddi mövzuların müzakirəsi gedirdi. freud , * psixoanalitika . dinləyənlərdə auditoriya mühazirəçilərinin ancaq arzu edə biləcəyi qədər tam bir səssizlik var idi. hiss elədim ki, bu mövzular yeni tanış olanlar üçün qatılmaları çətin və ilk dəfə üçün qavranılması dərin məsələlərdir. həm də, bir tərəfdən, öz vaxtımın məhdudiyyəti * zatən axşam başqa görüşə dəvət olunmuşdum deyə heç kimə gələcəyimi deməmişdim digər tərəfdən gəlibyeni yazarlarla tanış olmadan getmənin həyəcanı ilə hesabımda olmadığı halda söhbətlərə daxil olmağa çalışdım.

əvvəlcə hamının diqqətini xahiş edib uzaqdakı zəhmətkeş adminimizlə kontakt qurmağa cəhd elədik və qarşılıqlı salamlaşmalar oldu. məsafənin və zamanın uzaqlığı buna mane olmadı, əksinə xoş bir atmosfer yarandığını hiss elədim.

və bir neçə şəkil çəkdirdik. bu zaman keçən görüşlərdən tanıdığım yazar dostlar səmimi şəkildə mənə yönəldilər, kafenin dışarısına çıxdıq, söhbətləşdik, sağ olsunlar, daha artıq hörmətə layiqdirlər..

içəri qayıtdığımız zaman, diskussiyalar daha çox psixoloq yazarımızla hüquqşünas yazarımız arasında gedirdi. hər iki tərəfin hazırlıqlı və savadlı olması olduqca maraqlı söhbətlərə və zaman zaman harika bir rəsmdə istifadə oluna bilən kəskin, tünd tonlara çevrilirdi. bir tərəfdən sözlüyün arzusu "bilik gücdür!" sloqanı özünə yer taparkən məclisin məqsədini aşa bilmə və digər tərəfdən dinləyici dostları darıxdırmama, üstəlik, içimdə sözlüklə bağlı məqamlara aydınlıq gətirmə istəyi nəticəsində, replikalarla söhbətlərə çoxtərəfli bir format verməyə çalışdıq və mənə elə gəlir ki, buna müəyyən qədər nail olduq. məclis canlandı. söhbətə qoşulanlar oldu. kartlar açıldı. mövqelər daha da aydınlaşdı. adətən ayrı dillərdə danışdığım dəyərli kolleqamı özüm üçün bir daha kəşf elədim, özünə də dedim, yazarlarımızın daxili zənginliyini bir parça da olsa görə bildim və buna görə olduqca pozitiv əhval ruhiyyə əldə elədim.

sağollaşıb ayrılmadan, spontan bir şəkildə, bu platforma və gözləntilərim barədə içimdəkiləri açıq şəkildə ifadə elədiyimi düşünürəm. orada da qeyd elədiyim kimi, insan, özünü yazılı və sözlü şəkildə ifadə elədiyi və qarşı tərəfin simasında oxumağa çalışdığı qədərilə nələrsə dəyişdirdiyi qədər özünürealizə etmiş, dolayısıyla, varlığının mənaca fərqinə varmış olur. bu səbəblə, sözlük platformasının məqsədlərindən birinə çatdığını, yazarlarının söz-fikir -tanım-özünürealizə mərhələsinə hazır olduğunu lakin bu platformada hələ də yetəri qədər içimizdəkiləri paylaşa bilmədiyi qənaətinə gəldim. özüm barədə bunu bilirdim, və səbəblərim var idi. bu səbəblər şəxsidir , bununla birlikdə, bu gün gördüyüm parlaq, düşünən, özünü mədəni şəkildə, arqosuz, açıqfikirliliklə, gözəl bir formada ifadə eləyə bildiklərinə şahid oldum və çox sevindim. və hamısını, xüsusilə humanitar səhənin yazarlarını yazılı və şifahi şəkildə özünüifadəyə çağırdığımı xatırlayıram.

bu yazını yazmaq məqsədim gələcəyə xoş bir xatirə olması və məclisdə iştirak edən dostları özlərinin daxili səslərini oxucular üçün açmağa və cəmiyyətə cüzi də olsa buradan fayda verməyə çağırış dəvəti kimi qəbul ediniz.

dəyərli yazarlarımızın, qısa zaman kəsiyində gördüyüm zəkalarıyla bəyəndiyimi, təqdir eləməyimi, tanımağıma şad olduğumu qeyd eləmək istəyirəm. hər birinə sosial çevrələrində uğurlar və gerçək yazarlıq sevinci arzu elədiyimi buradan çatdırıram

yazılarınız həmişə xeyirə, müsbətə, pozitivə qulluq eləsin, özünüzə də fayda versin.