10. azərbaycan dövləti ceoları'nın ağıllarının başlarına gəldiyini göstərən, quba hadisələrinin məntiqi davamı. quba hadisələrində icra hakimini dəyişdirərək xalqın istəklərini qarşılayan hökümət, etdiyi bu strateji səhvi ismayıllıda təkrarlamamaq üçün bütün vasitələrdən sonuna qədər istifadə edəcəkdir.

quba hadisələrində hökümət qəfil yaxalandı və təcrübəsiz idi. bunun nəticəsində olayları bir an öncə yatırmaq üçün icra hakiminin kəlləsini verdilər. ancaq indiki halda, hakimiyyət nisbətən təcrübəlidir və daha təmkinli yanaşır. hadisələrə, quba üsyanında xalqa istədiyini verərək digər şəhərləri ürəkləndirmənin səbəb olduğunu bilir. ona görə də artıq quba hadisələrindəki kimi xalqa yalvaran polis rəislərini və hadisə yerinə gedən nazirləri görmək mümkün deyil. indiki halda, sıravi xalq az qala terrorist elan olunaraq istəkləri cavabsız qalacaqdır. lazım olsa daha ağır güc tətbiq olunaraq kütlə dağıdılacaqdır.

əks halda, yeni bir icra hakiminin gedişi bütün ölkədə bu tip üsyanlara səbəbiyət verə bilər. çünki istisnasız heç bir regionda yerli idarə orqanları xalqa çalışmır, tam əksinə birmənalı şəkildə hər şeyi tək əldə toplayaraq, qaz vurub qazan doldurur.

əgər bu hadisələr gəncə və sumqayıt kimi böyük şəhərlərə sıçrayarsa (ki oradaki icra hakimlərini nəzərə aldıqda bu çox realdır) onda hakimiyyətin əldən getməsi təhlükəsi real şəkildə yarana bilər. bunu çox gözəl başa düşən ceo'larımız artıq televizyadan da istifadə edərək sıravi xalqı, təxribatçı, terrorist, disbilmirəmnə qüvvələr filan kimi qələmə verərək hadisəni örtbas eləməyə çalışır.

ölkə insanları arasında bütünlüyün olmaması və ismayıllı camaatının tək qalması nəticəsində, hakimiyyət istəklərinə çatacaqdır da. odur ki, tək təmənni daha az insanın xəsarət alması ilə olayların sakitləşməsidir.

bir ikinci ehtimalda, icra hakiminin postundan uzaqlaşdırılması halında isə hakimiyyət əməlli başdı uduzar. bunun olacağını düşünmək isə indiki vəziyətdə sadəlövhlük olar.