5. quranda kişiyə qadına nəzərən nisbətən üstünlük verilməsi heç də qadının alçaldılması anlamına gəlmir. diqqətinizi oraya yönəldim ki, quranda çox yerdə dəfələrlə təkrar olunur ki, bütün insanlar bərabərdir, allah qullarının hamısını bərabər yaradır. qadın və kişi ikisi də insan olduğuna görə, ikisi də allahın qulu olduğuna görə ikisi də bərabərdir. ikincisi quranda neçə yerdə yazılır ki, kişinin qadın üzərində haqqı olduğu kimi, qadının da kişi üzərində haqqı var. quran demir ki, qadının heç bir haqqı yoxdur. əksinə kişiyə verilən haqqları qadına da verir. islam deyir ki, qadın və kişi bərabər olsa da ailə daxilində ər arvaddan bir pillə üstün olmalıdır. həmişə biz öyrənmişik ki, ailə də kiçik dövlətdir. bəli belədir. amma evdə ərlə arvad bərabər mövqedə olsalar da, gərək biri həmişə yox, müəyyən məqamlarda üstünlük təşkil etsin. burda anlaşılmaz bir şey yoxdur. ona görə də islam deyir ki, evdə kişi qadından bir pillə üstün olmalıdır.
islamın fəlsəfəsi baxımından girsək mövzuya, incə bir məqam araya girir. quranda bizə deyilən hər şey böyük hikmətə sahibdir. gərək onu düzgün başa düşüb dərk eliyəsən. yazılmış hər ayə, verilmiş hər əmr bizi imtahan eləməyə xidmət edir. islama görə bu dünyaya gəlməyimizin özü bir imtahandır. sınağa çəkilmək üçün bura gəlmişik. çox vaxt da bu ayələr bizim vaz keçə bilmədiyimiz təməl istəklərimiz üzərinə bizi sınağa çəkir. quranda kişiyə və qadına belə mövqe verilməsi əslində onların imtahanıdır. qadının xislətində tabe olunmama vardır. heç kimə tabe olmaq istəmir. allah ona bu mövqeyi verməklə onu imtahan edir. onu alçaltmır, demir qul, kölə ol. sadəcə olaraq öz ərinə qarşı güzəştli ol və onu özündən qabağa ver. qadın xislətindəki istəyi ilə mübarizə apararaq bunu etməlidir. qadının imtahanı budur. ümumiyyətlə islamda hər sınaq nəfs və iradə ilə mübarizə üzərində qurulur. indi gələk kişiyə. kişiyə isə deyir ki, sən ondan bir pillə üstün ol. demir sən şah ol, o da sənin nökərin. sadəcə bir pillə üstün ol. kişinin də xislətində idarəçilik, üstünlük, loru dildə desək zakon talkavat eləmə var. burda da kişini sınağa çəkir. ona deyir ki, qadının da sənin üzərində haqqı var. qadına da üstünlük verir. və kişi bilə bilə ki 1 pillə üstündür, amma heç vaxt evdə özünü ağa kimi aparmamalı, xanımına hörmət etməyi bacarmalıdır. yenə də öz xislətindəkilərlə mübarizə aparmalıdır. bax, islam kişi və qadın arasında kiçik bir fərq yaradır ki, onları sınağa çəksin. quranda elə şey yoxdu ki, arvad quldu, alçaqdı, kişi də evdə padşahdır.
mühüm bir məqama toxunmaq istəyirəm ki, quranın ayələrini hardansa tapıb oxuyanda o saat qəbul etməyin. hər tərcümədə bir cür yazılır bəzi ayələr. quran yalnız orijinal dildə mükəmməldir. və oxuyandan sonra da birmənalı, hərfi qəbul etməyin. ayələrdə hikmət vardır. kimlərsə qəbul etməyə bilər. amma bunlar hamısı həqiqətdir, vacibdir və müqəddəsdir.