5. ən sevdiyim azərbaycan filmlərindən biri

elə filmlər var ki, gözəldir, keyfiyyətinə söz yoxdur, amma bir dəfə baxdın, bəyəndin sonra rast gələndə baxmağa həvəsin olmur. amma "əhməd haradadır" filmi belə deyil mənimçün. nə zaman televiziyada rast gəlsəm, əvvəli, ortası, axırı fərqi yoxdur, mütləq axıra kimi izləyirəm. yəqin bu filmin pozitivliyi ilə əlaqədardır. bir yandan da film o qədər yaddaqalan, gözəl səhnələrlə doludur ki, izlədikcə deyirsən ki, o səhnəyə baxım, bu səhnəyə baxım, axırda görürsən ki, film bitdi. bunda filmdə rol alan azərbaycanın ən güclü aktyor nəslinin bir çox nümayəndəsinin iştirak etməsinin rolu da böyükdür. " saqqal ramiz" rolunda səyavuş aslannin komendantla olan səhnələri, eldəniz zeynalovun oynadığı əhməd obrazının qısqanc sevgilisi ilə olan səhnəsi, əhmədin ata - anasının şəhərdəki səhnələri, zülümov olan səhnələr və s. bitməklə qurtaran deyil.

amma bu filmi görəndə, barəsində eşidəndə birinci növbədə bu səhnə yadıma düşür: saqqal ramizlə uzundraz dostu küçədə gedəndə qadınlardan söhbət düşür. uzundraz dostu deyir ki, "qadın böyük qüvvədir" elə bu amda bir qadınla toqquşur, qadın heç nə olmamış kimi yoluna davam edir, uzundraz isə az qalır yıxılsın.