1. ispan kinosunun xüsusən qorxu - triller janrında olan filmlərin yüksəlişi davam edir. rejissoru və ssenaristi oriol paulo olan "el cuerpo" filmi 2012 - ci il istehsalıdır. film morqdan bir qadın cəsədinin (el cuerpo ispan dilindən tərcümədə cəsəd mənasına gəlir) yox olması ilə başlayır. işi araşdırmağa başlayan detektiv olduqca peşəkardır. həm də keçmişdə aldığı bir yara ilə yaşayır - onun çox sevdiyi həyat yoldaşı avtoqəzada həlak olub. filmin gedişində istər - istəməz sonluqla bağlı, ümumən filmin gedişindəki məsələlərlə bağlı saysız - hesabsız ssenari qurursuz. amma inandırıram əslində nələr baş verdiyini qətiyyən düz təxmin etmək mümkün deyil. ssenarini yazan oriol paulo öz ağlı ilə məni heyran etdi. bundan əvvəl o " julia's eyes" ("culianın gözləri") filminin ssenari müəllifi idi. o da deyilənə görə olduqca maraqlı filmdir. "el cuerpo" isə həm də rejissor kimi ilk işidir. rejissor kimi bəzi çatışmazlıqlar yox deyil - xüsusən bir səhnədən başqa səhnəyə keçidlərdə bəzi səhvlər müşahidə etmək olurdu. amma dediyim kimi ssenarisi mükəmməldir. film özü axıcıdır, darıxmırsan, gərginlikdə saxlaya bilir və filmin sonunda şok effekti yaşamağınız yüksək ehtimaldır.