9. ilk öncə deyim ki, bu dəhşətli filmdə göstərilənlərin hamısı real olmuş hadisədən ilhamlanaraq çəkilib. real hadisənin detalları burda: http://www.hurriyet.com.tr/pazar/5850513.asp?gid=59

serdar akarın 2007 - ci ildə çəkdiyi filmdə türk kinosunun ən məşhur aktyorlarından nejat işler, behzat ç ilə daha da məşhurlaşan erdal beşikçioğlu, kurtlar vadisi pusunun karası hakan boyav və başqaları çəkilib. bir gecə ərzində bir qrup insana barda edilən işgəncələrdən bəhs edir film. bu üsyanın səbəbi nə idi? varlılarla kasıblar arasında fərqlərin artması, xüsusən türkiyədə onlar arasındakı mədəni səviyyədə böyük uçurumun olması, bu fərqlərin elə varlıların özü tərəfindən tez -tez önə sürülməsi və s. "altdakılar" da bu vəziyyətdən narazıdır, onların sırasında nejat işlerin canlandırdığı selim kimi tiplər olanda isə belə dəhşətli hadisələr baş verə bilir. elə selim filmin son epizodlarında təxminən belə deyir: "elə sizlər biz bara daxil olanda sifətiniz dəyişmədimi? bu tiplərin burda nə işi var demədizmi?" filmdə nejat işler karyerasındakı ən yaxşı rollarından birini oynayıb. hakan boyav da mükəmməl idi. rəsmən özündən iyrəndirirdi adamı, hələ o lezva ilə hücum səhnəsi yoxmu?!

filmin sonundakı epizodda cinayətkarları öldürən məhbusların rolunda serdar akar özü ilə bərabər həm də digər türk rejissorları çağan irmak və zeki demirkubuzu da çəkib.

çoxları dəhşətli səhnələrinə görə filmi sevmədiklərini deyir. dünyada belə filmlər çoxdur, hətta bundan daha dəhşətli və iyrənc filmlər var. bu film isə dəyərlidir, çünki dərin mövzusu və fəlsəfəsi var. türk cəmiyyətindəki (elə bizim cəmiyyətdə də bu var) o yuxarıda dediyim problemi çılpaqlığı ilə göstərir. üstəlik nejat işler kimi ustanın aktyorluq dərsi verdiyi film olduğuna görə sırf onu izləmək üçün belə sevilməli filmlərdəndir.

sonda filmdən bir cümlə:

--spoiler--


olaylar algılandıkları gibi yaşanır ve gerçek her zaman derinlerde gizlidir.


--spoiler--