1. ssri ordusunda xidmət etmiş yeganə çeçen millətindən olan general və çeçenistanın ilk prezidenti. baltikyanı ölkələrdəki istiqlal mübarizəsinin güc yolu ilə yatırılması barədə mərkəzdən (moskvadan) aldığı əmrə qarşı çıxmış və bu səbəbdən dolayı sürgünə göndərilmişdir. 1990-cı ildə ssri ordu hissələrindən istefa verən dudayev elə həmin il keçirilən çeçen xalq qurultayı tərəfindən xalq məclisinin idarə heyətinin sədri seçildi. 1994-cü ildə xalqına "cihad" əmri verdi və iki il ərzində çeçenlər ruslara qarşı azadlıq mübarizəsi apardı. 21 aprel 1996-cı ildə isə sui-qəsd nəticəsində qətlə yetirilmişdir. sui-qəsd barədə bir neçə versiya səslənsə də, dudayevin yerləşdiyi ərazi haqqında kimin məlumatlı olduğu və kimin bu informasiyanı ötürdüyü hələ də müəmmalı olaraq qalır.