1. görən kimdi bu qardaş kult.az saytındakı barkod adlı yazısı :

məndən ideal insan gözləməyin,
nə də təmizürəkli və əliaçıq,
hər kəsə sevgiylə yanaşan biri olmayacam.
düz eşitdiz,
qulaqlarınızı təmizləməyin.
üzr istəyirəm, amma sizin xəstənizə
1 manatlıq ianə verməyəcəm,
nə də 250 qram qan.
nə də "siqaret çəkməyin” deyə təbliğat etməyəcəm,
bu dəqiqə iki siqaret üçün
hər hansı birinizi öldürə də bilərəm.

bu dəqiqə heç kimə xoşbəxtlik diləmirəm,
nə də oğul-uşaq,
sənin kimi beş nəfərin də
artmağını istəmirəm.
mən istəyirəm ki,
bax elə bu dəqiqə
dünyanın ən ağ adamıyla
ən qara adamı bir-birini qayırsın.
istəyirəm ki,
dünyanın ən təmiz havasında
dalbadal üç siqaret çəkib kötükləri basdırım,
sonra vərəm dolu nəfəsimlə
sənin toz-torpaqlı dünyana
yeddi dəfə asqırım.

sənə görə mən ədalətsizəm.
mən o vaxt əclaf olmuşam ki,
qızıl xaç qutusu qəpiyə güllə atırdı,
nə zaman ki
nəzir qutularında
yağ, bal, qaymaq içində
sənin tanrın yatırdı,
sənin atan-anan,
bacın-qardaşın,
qohum-əqrəban
allahın görünməz gündəyməzinə girmək üçün
növbəyə düzülüb
insanlığı dəyər-dəyməzinə satırdı.

bu gündən heç kimə
irqinə, cinsinə, millətinə görə fərq qoymayacam,
hamısı bir uçurumun qırağıdı.
mənə görə
xəstəxana tikilişində ölən adamlarla
müharibə vaxtı doğulan uşaqlar da eyni zibildi,
aids’ə ilk yoluxan axmaq da,
dünyanı xilas etməyə çalışan yeniyetmə sarsaq da.

ey sən,
hamı üçün sosial bərabərlik istəyən uşaq,
bu gün pul tökdüyün bahalı içkilərdən
birini də mənə almağa hünərin çatar?
sənə məsləhətim var,
sevdiyin futbol ulduzlarını,
ya da saçından,
saqqalından,
əzələlərindən özünü bənzətmək istədiyin
hollivud aktyorlarını
bir də tualetdə çömbələrkən düşün,
pox bulaşmış tükləriylə.
gecələr
o fırtıqlı beynində
canlandırıb,
dumanlandırıb
orqazm olduğun qadınları
bahalı maşınlarda
3 milyona sığortalanmış sevimli dallarından
qaz buraxarkən düşün.

cəhənnəm olsun hamısı,
elə indi, bu saat
başımı monitora soxub
qışqırmaq istəyirəm:
"içkidən, siqaretdən hələ ki heç kim ölmür,
ölənlər hamısı xərçəngdən ölür!”
nə olacaqsa, qoy olsun,
ən axırda qrant alan muzdlu bir axmaq
yarımçıq güzgü parçasını başıma çırpıb desin:
"burda sizin vicdanınız ola bilərdi!”