5. hər bir xalq azadlığa və demokratiyaya layiqdir. sadəcə azərbaycan xalqı bu azadlıq və demokratiyanın şirinliyini və öz fərdi mənafelərinin unudub onun uğrunda ölənə kimi savaşmağı ən ideal məqsəd halına çevirməyi hələ dərk etməyib. hələ yuxudadır.

bu günkü köşəsindən:



--sitat--

mən irqçi deyiləm, ancaq son vaxtlar çox pis bir qənaətə gəlmişəm: azərbaycan camaatı demokratiyaya, azadlığa layiq deyil. biz xalq olaraq həmişə öz qabaqda gedənlərimizi, mübariz insanlarımızı satmışıq, yıxmışıq, ən yumşaq halda məhv edilmələrinə göz yummuşuq. ləyaqətli adamlarımızı tarix boyunca təkləyib öldürüblər. havadan söhbət kimi görünməsin deyə faktlarla yazacam. əslində hamının bildiyi faktlardır, sadəcə burda qruplaşdırıram.

“axc-müsavat cütlüyünün hakimiyyəti” cəmi 1 il çəkdi. 1918-20-ci illərdə qurduğumuz cümhuriyyətin də ömrü rəqəmlərdən məlum. bu xalqın şimaldakı, necə deyərlər, quzeydəki hissəsinin halı. güneydə durum lap bərbaddır. səttarxanın, şeyx məhəmməd xiyabaninin, seyid cəfər pişəvərinin hər birinin mübarizəsi uzağı bir-iki il çəkib, hər birini də təkləyib hardasa öldürüblər. ya ruslar, ya da farslar öldürüb. millət də ağzını ayırıb baxıb.

“mən ölməyi təslim olmaqdan üstün tuturam. düşmənlərin qarşısında diz çökmərəm. mən məşrutiyyət dövrünün uşağıyam. ərəb xilafətinə baş əyməyən babək xürrəminin sülaləsindənəm" - deyən şeyx məhəmməd xiyabanini, “azadıstan” adlı respublika elan edən cəsur insanı təbrizlilərin gözü qabağında... rus kazakları güllələyib, sonra küçəyə çıxardıb qolunu sındırıblar, əzabla qətlə yetiriblər.

bu mənada mən pessimistəm və deyirəm ki, bizdən respublika quran olmaz. bizimki bir atımlıq barıtdır. ayrı məsəllə desək, bir güllə yaz olmaz. hər tərpənişdə uzağı yüz-iki yüz adam oyanıb, onları qırıblar, qalanları yenə yatıb.

əbülfəz elçibəy kələkiyə gedəndən sonra mən bəyin elmi yaradıcılığı ilə maraqlandım. çünki hər yerdə onun tulunilər dövləti haqda elmi iş yazıb tarix elmləri namizədi olmasından bəhs edilirdi, ancaq mən bu tulunilərin kimliyini bilmirdim. arayıb öyrəndim və rəmzi bir detalı özüm üçün kəşf elədim. sanki əbülfəz bəyin elmi işi də onun hakimiyyətinin qısa olacağına işarə edirmiş.

tulunilər misir ərazisində min il qabaq dövlət qurmuş türklər olub. ancaq bu sülalənin adına baxmayın, sülalə qədim dövrlər üçün çox qısa sayılacaq bir müddətdə süquta uğrayıb. 868-ci ildə qurulub, 905-ci ildə yıxılıb. cəmi 37 il.

--sitat--