liberte


facebook twitter əjdaha lazımdı   googllalink

    1. paul eluardın məşhur şeiri* *:

    Məktəb kitablarıma
    Partama, ağaclara
    Qumlara və qarlara
    Adını yazaram.

    Oxunmuş səhifələrə
    Yazılmamış səhifələrə
    Daşa, qana, kağıza və ya küllərə
    Adını yazaram.

    Qızılın surətinə
    Döyüşçü silahına
    Kralın tacına
    Adını yazaram.

    Cəngəllik və səhralara
    Yuvalara və bitkilərə
    Uşaqlığımın səsinə
    Adını yazaram.

    Gecələrin cazibəsinə
    Günün ağ çörəyinə
    Nişanlı fəsillərə
    Adını yazaram.

    Mavi yaylığıma
    Yaş, işıqlı bataqlığa
    Ay işıqlı göllərə
    Adını yazaram.

    Üfüqdəki düzlərə
    Quşların qanadına
    Kölgə dəyirmanına
    Adını yazaram.

    Şəfəqin mehinə
    Dənizlərə, gəmilərə
    Azğın dağ zirvəsinə
    Adını yazaram.

    Ağ bulud köpüyünə
    Rənglərin zənglərinə
    Təbii həqiqətə
    Adını yazaram.

    Yüksək keçidlərə
    Sıra-sıra yollara
    izdihamlı meydanlara
    Adını yazaram.

    Yanan lampa üstünə
    Sönmüş lampa üstünə
    Birləşmiş fikirlərimə
    Adını yazaram.

    ikiyə bölünmüş meyvəyə
    Güzgüyə, otağıma
    Boş qalmış yatağıma
    Adını yazaram.

    Ac və mərd itimə
    Dimdik qulaqlarına
    Sərt pəncələrinə
    Adını yazaram.

    Qapımın qıfılına
    Və bənzər əşyalara
    Həzin işıq axınına
    Adını yazaram.

    Vücudun ahənginə
    Dostlarımın üzünə
    Hər uzadılan ələ
    Adını yazaram.

    Təəccüblər pəncərəsinə
    Gözləyən dodaqlara
    Sükutdan daha dərinə
    Adını yazaram.

    Uçulmuş evlərimə
    Sönmüş fənərlərimə
    Dərdimin divarına
    Adını yazaram.

    Ümidsiz boşluqlara
    Çılpaq yalqızlığa
    Ölüm sədalarına
    Adını yazaram.

    Və bircə sözün eşqinə
    Həyata qayıdıram
    Çünki sənin tanımaq üçün
    Gəlmişəm həyata
    Adını bağırmağa
    azadlıq.


sən də yaz!