37 yazar 57 başlıq və 120 entry
yenilə | gündəm | top

1 2

planet earth 2 2 erməni sinəsi tüklü şair 6 azərbaycan andları 7 l'humanite 2 anar heybətov 2 azərbaycanın şəriət dövləti olması los pollos hermanos 2 adtapabilmedim çili evlənməmiş qızın qaş və bığları 6 qonkur mükafatı ictimai qınaq femina mükafatı gecə özünü bərbad hiss etmək 2 emma roberts 2 faksimil infarkt douglas adams real madrid zümrüd qasımova opalizm sakit məmmədov timidus 2 yalnızlığın ən çox anlaşıldığı anlar 3 yazarların hal hazırda dinlədikləri musiqilər 3 xaricdə təhsil üçün təqaüd proqramları 4 kadın xeylağı kitab ətri radio cafe kənan qasımlı yazarların bədənlərində görmək istədikləri tattoolar 3 ororo.tv 2 gigolo-escort.co.uk speaky.com reservoir dogs the godfather 2 country music 2 ruhi su ən şit zarafat villi melnikov sumqayıtın muxtar respublika olub amerikaya birləşməsi freiheit, brüderlichkeit, arbeit mustafa sübhi aziz nesin bijan cəzani petra herrera monika ertl entryniz bir oxuyucu tərəfindən bəyənilib 2 brigitte mohnhaupt 2 feliks dzerjinski öldükdən sonra orqan bağışlamaq if day məktəbin sadistik inşa mövzuları 5 dinə inanmasan da hörmət etməlisən məcburiyyəti 2 vaşo uşaqlıqda heyvanlara verilən işgəncələr 8 azafiya ümit yaşar oğuzcan recep ivedik 5 10 nürnberq qanunları van den budenmayer həsəd aparılası qadınlar 6 jagdkommando bıçağı jagdkommando googlism 2 sözlük yazarlarının dinləməkdən bezmədiyi mahnılar pis günlərdə insana güc verən sözlər da/də-ni ayırmayan insan 2 lexi belle insan haqları vilayət hacıyev nihat doğan qatır 2 parov stelar təkcə mənmi edirəm deyə düşünülən şeylər elçin imanov you are my sunshine 2 lope de veqa tofiq bayram yusif həsənbəy martin luther king








ürək qüsuru



facebook twitter əjdaha lazımdı   izlə   lələ   mən   googllalink

    1. ürəkdə anadan gəlmə mövcud olan anormallıqlara verilən ümumi addır. araşdırmalara görə hər 1000 uşaqdan 9-u ürək qüsuru ilə doğulurmuş. qüsurun növü və ciddiliyinə əsasən körpənin yaşama şansı da dəyişir təbii ki. wikipediadan araşdırıb bir-iki növünə baxdım, panpalar. onlardan bəzilərini sizə təqdim edirəm:
    -qulaqcıqlararası və mədəciklər arası çəpərlərin və ordakı klapanların qüsurlu quruluşu *
    -qulaqcıqlar arası çəpərin defekti *
    -mədəciklər arası çəpərin defekti *
    -ürək kameralarının məhdud inkişafı. bunun sağ və sol olmaq üzrə iki növü var imiş ki, fərqli bədbəxtliklərə gətirib çıxarır.
    -aortanın çıxış defekti *
    -böyük arteriyaların transpozisiyası. bu ciddən hassiktir dedirtmişdir. təsəvvür edin ürəkdən çıxıb ağciyərlərdə oksigen toplamalı olan damar birbaşa bədənə gedir. ürəkdən çıxıb bədənə getməli olan damar isə ağciyərə gedir. bu halda xəstənin bədəni demək olar ki, oksigen almır. yazılıb ki, yaşama şansı yoxdu. amma məncə umbaylıqdı bu. körpə ümumiyyətlə ölü olaraq doğulmalıdı.
    -aorta və ağciyər arteriyasının tam ayrılmaması.
    və s.
    nəysə əziyyət çəkib əksər növləri ilə tanış elədim amma əsas yazmaq istədiyim mədəciklərarası çəpərin defektidi. beləki sizin bu qatığınız bu qüsurla doğulub. ağlamağa başlamazdan əvvəl bu qüsurun xüsusiyyəti, xəstəsini məhrum elədiyi şeylər, həyati riski və müalicə metodları barədə məlumat verim. lap əvvəl isə bu gün öyrəndiyim statistik məlumatı verim. deməli deyilənə görə ürək qüsuru ilə doğulan uşaqların 30% məhz bu problemdən əziyyət çəkirmiş. mainstream olmaq istəməzdim amma neynək bəxtimiz gətirməyib.
    deməli ürək dediyimiz, bir möcüzəvi nasosdan başqa bir şey olmayan bu organda 4 kamera var. iki, sağ və sol qulaqcıq və eyni cür adlanan iki mədəcik. bu nasosumuz ən primitiv izahla qanın bədəndə dövrünü təmin eliyir*. özü də qanımız bədəndə suyun təbiətdəki dövranı kimi iki cür dövr edir. böyük dövran və kiçik dövran. böyük dövranda qan ürəyin sol tərəfində, sol mədəcikdən, aortalardan çıxır bədəni dolaşır və sağ tərəfdə venalardan içəri, sağ qulaqcığa girir. kiçik qan dövranında isə qan sağ mədəcikdən, ağciyər arteriyasından * çıxır, gedir ağciyərlərdə oksigen alır və ağciyər venaları * ilə sol qulaqcığa daxil olurlar. bunu nəyə görə yazdığımı açıqlayım. ürək əslində bir-birindən müstəqil işləyən iki nasos kimi fəaliyyət göstərir. deməli ürəyin sol tərəfi qanı bütün bədənə vurduğu halda, sağ tərəfi onu yalnız ağciyərlərə qədər ötürmək üçün iş görür. ürək bir dəfə döyünəndə sol tərəf sağ tərəfdən daha çox iş görür, yəni enerji sərf edir. burdan da ortada təzyiq fərqi olduğunu çıxarmaq olar. yəni sol mədəcikdəki təzyiq sağ mədəcikdəkindən çox olmalıdı*. indi söhbəti haqqında yazmaq istədiyim ürək qüsuruna calayacam. deməli bu adamda mədəciklər arası çəpərin defekti varsa, ki bu da o çəpərdə deşik olduğu mənasına gəlir, hər ürək döyüntüsündə sol mədəcikdəki qan sağ mədəciyə sızmalıdır. çünki, dediyim kimi sol mədəcikdə təzyiq daha yüksəkdir. bundan əlavə sol mədəcikdəki ümumi təzyiq sızmanın təsirindən aşağı düşəcəkdir və buna bağlı olaraq ürəyin faydalı iş əmsalı düşəcəkdir. ürək gərgin vəziyyətdə olanda * tez-tez döyünəcək amma bədənə lazım olan tezlikdə oksigen çatdırmayacaq. qısaca adam nisbətən tez yorulacaq. bunun başqa ziyanı da digər mədəciyə olur. belə ki, sızıntıya görə sağ mədəcikdə təzyiq artmış olacaq. xatırladım ki, bu mədəcikdən çıxan qan birbaşa ağciyərlərə gedir. belə yüksək təzyiq üçün düşünülməmiş * ağciyər damarları yüksək təzyiqə görə bəzi problemlər yaşayır. əvvəllər elə bilirdim problem qanın bir-birinə qarışmasına görədi amma onu bədən sikinə almır deyəsən. əsas problem təzyiq məsələsidi.
    mədəciklər arası çəpərin defektinin, deşiyinin böyüklüyünə bağlı olaraq xəstənin problemləri də dəyişə, ciddiləşə bilir. deşik balaca olanda sızıntı çox olmur, ağciyərlərə güc çox düşmür və ürək çox az əlavə yüklənmiş olur. orta ölçülü deşiklərdə artıq ağciyərdə problemlər ortaya çıxır. ürək ciddi əlavəyüklənməyə məruz qalır. böyük deşiklərdə isə mədəciklər arası təzyiq fərqi bərabərləşir. ağciyər damarlarında ciddi dəyişikliklər olur. * *
    amma ümumi olaraq bu xəstələrdə tez yorulmaq, tez-tez nəfəs almaq, tez tərləmək * kimi əlamətlər görülür. bundan başqa normal boy artmasına baxmayaraq, çəki artımı çətinləşirmiş. bunu ağciyərlərə bağladılar amma məntiqi əlaqəni tuta bilmədim. bir də ürəyin özünəməxsus səsi olur. başqaları kimi döyünmür, xışıldayır. bir süngəri suda sıxanda çıxardığı səsi verir. əlini üstünə qoyanda döyüntülər əvəzinə telefon vibrasiyalarına bənzər hərəkətlər hiss edirsən.
    problemin həlli yolları müxtəlifdir. cərrahi yolla həll eləmək mümkündür. bundan başqa ayaqdan, budun dibindəki damara nəsə bir şey yeridirlər o gedib ürəkdə həmin deşiyi bağlayırmışmişmuşmüş. ən vacib məsələ isə bu müdaxilələr körpə yaşlarında olmalı idi. böyüdükcə risk artır. həm də əməliyyatla deşiyi bağlamağın artıq 15-20 il o cürə təqyiq anormallığı altında çalışmış bir sistemə nə xeyri ola bilər ki. mən doğulanda həkimlər götbaşlarına yaxıblar ki, əməliyyat vacibdi, uşaq yaşamayacaq. birini düz deyiblər birini yox. həyati risk var imiş amma çox az. əməliyyat isə doğurdan da vacib imiş. ən azından o vaxtı əməliyyat olunsaydım atam 7-8 yaşlarımda sahib olduğum çəkimlə məzələnməzdi. kişi elə hey deyirdi ki, yemək ye. özü də sulu yemək. cahillikdi də. indi yadıma düşəndə gülürəm. sözün düzü indi çəkim normaldı. əzələ çəkim istədiyim kimi deyil amma ümumi olaraq normaldı. hələ azacıq qarın da buraxmışam. tərləmək məsələsində həkimlər dibinə kimi haqlıdırlar. başqalarından az qala 3 dəfə çox tərləyirəm. tez yorulmağı da ki, son 5-6 ildə hiss eləmişəm. belə baxanda o qədər də bərbad deyiləm. belə ki, höcət və tərs olduğuma görə marafon qaçışına təşəbbüs göstərəcək 50 nəfər tanışımdan təslim olan son 3-4 nəfər arasında olaram. yəni o vaxta qədər dözərəm. indi hamısı siqaret çəkir bəlkə axırıncı təslim olan mən olaram * onu da son vaxtlar elədiyim məşqlərə borcluyam. amma uşaqlıqdakı kimi olmadığımı hiss eləyirəm. uşaq vaxtı adam yorulmaq bilmirdi. o enerjim yoxdu indi, heyflənirəm. oturub ciddi-ciddi düşünsəm hətta ağlayaram da. bilmirəm bəlkə də hamıda belədi amma mən çox takıram bu şeylərə. gecə vaxtı yorğunluğumu və sabahkı iş günümü unudub bu uzunluqda entry yazmağıma səbəb isə bayaq, evə gələndə stansiyadan evə kimi qaçmağa çalışıb bacara bilməməyimdir. 6-7 dəqiqə ancaq qaçdım. sonra soyuq havanın təsirindən öskürməyə başladım. sonra lomkaya düşdüm. uduzmağın, indiki halda zəifliyini hiss etməyin verdiyi ağırlıq ilham qaynağım oldu deyə bilərəm.
    P.S. artıq quşlar oxumağa başlıyıb.