28 yazar 52 başlıq və 67 entry
yenilə | gündəm | top

1 2
şaurma yify yazarların başına gələn maraqlı hadisələr 4 extreme ways yazarların sinə ölçüləri ilham əliyev 4 3 dekabr 2016 barcelona real madrid oyunu 4 azərbaycan iqtisadiyyatı westworld sezen aksu sadəlövh 2 güzəran nhajiyev 5 denis villeneuve təkcə mənmi edirəm deyə düşünülən şeylər krisnayayoxarcunayahe godspeed you black emperor god on trial 2 the imitation game 2 barış qrupu füzuli kantatası 2 reconstruction englar alheimsins the breakfast club letters to father jacob james boy yazgı bang bang you're dead lilya 4-ever dogma 95 rosso come il cielo ekskursante 2:37 the broken circle breakdown einar wegener buda as sharm foru rikht la finestra di fronte mount and blade: with fire and sword ruhi əzablar alfred schnittke fanny edelman aurore hallelujah sözaltı sözlük qaza və elektrik enerjisinə limit əli novruzov schooldays mizantrop rapunzel sindromu böyümək qaynaqçı timidus yazarların penis boyları kargüzar mannequin challenge 4 kədər bioqaz 2 notepub.com azərbaycanlıların tələffüz səhvləri 4 köhnə sevgilinin unudulmayan sözləri 3 sözlükçülərin ən sevdiyi cizgi film personajları 3 əfsanəvi başlıqlar 2 sözlük yazarlarının dinləməkdən bezmədiyi mahnılar 3 akkord eşidilməkdən bezilən şeylər 7 şəhər əfsanələri yağışlıq üçüncü mömin vaçaqan veksel rrrrrrr!!! 2 albert einstein yenilə yeniyetməyə ən çox yaraşan maşın 3 italyan zövq verən kiçik çılğınlıqlar səyyar 2 nissan qadına ən çox yaraşan maşın 6 qaqana ən çox yaraşan maşın 2 eddie redmayne suicide squad 2 türk serialları 3 şəb-i hicran lovğa amı götü dağıtdım geldim azərbaycan dilinə tərcümə olunmuş kitablar 2 marixuana 2 qonaq gələn ailədəki uşaq 4 nizami süleymanov ən bəyənilən ekşi sözlük entryləri

der steppenwolf


facebook twitter əjdaha lazımdı   googllalink

    3. herman hessenin oxuduğum ilk əsəri. hər bir insanın oxumalı olduğu əsərlərdəndir.

    --spoiler--

    ilk 70 - 80 səhifə insanı intihara sürükləyə biləcək pessimistlik dərəcəsindədir. sonra əsərin qəhrəmanı harri hallerin gözəl hermina ilə tanış olması, həyatın yalnız kitablardan, oxumaqdan ibarət olmadığı, onu yaşamaq lazım olduğunu dərk etməsi ilə yazıçının məramı bəlli olur. hermina ilə tanışlıqdan əvvəl yalnız iki xarakterdən - səmimi, insanları sevən, hörmət edən, meşşan həyatı sürən harri və yalquzaqdan, yəni hamıdan qaçan, saatlarla ktablar oxuyan, təkbaşına içən, insanlarla ünsiyyətdən qaçan, cəmiyyətə bir növ nifrət edən yalnız bir insandan ibarət olduğunu sanan harri daha sonra bu qənaətində yanlış olduğunu dərk edir. insan xarakterinin yalnız iki qatdan ibarət ola bilməyəcəyini anlayır, o çoxqatlıdır, bəzən səmimidir, bəzən yalquzaqdır, bəzən bunları heç dərk belə etməyən uşaqdır, bəzən qatı müharibə əleyhdarı ziyalıdır, bəzən maskaradlara qoşulub səhərədək xanımlarla rəqs edən biridir. bəli, bunlar hamısı bir insanda cəmlənir və bunda heç bir təəccüblü nəsə yoxdur. harri haller bunu dərk etdikdən sonra elə bu cür həyat yaşayır, gözəl mariya ilə tanış olur, rəqslər öyrənir və s. amma bütün bunların da bir nəticəsi olmalıdır axı. pablo və hermina ilə birlikdə çəkdiyi narkotikin təsiri ilə "sehrli teatr" adlandırılan, üzərində müxtəlif cazibədar elanlar yazılmış qapılardan içəri girərək müxtəlif macəralar yaşayır. bu dünyalardan mənə ən maraqlı gələn şahmat fiqurları ilə insan həyatının düzüb qoşulması idi. yəni hər fiqur bir xarakterdir - utancaq, səmimi, intellektual, əsəbi, ciddi və s. harri bu fiqurları əlinə alır, sanki bu fiqurlar vasitəsilə sonrakı həyatını düzüb qoşa biləcəyi ümidi ilə onları saxlayır, yəni tutaq ki, müxtəlif situasiyalarda bu fiqurlardan istifadə edərək o həyatını yaşamağa ümid edir. daha bir qapıdan içəri girdikdə gənclik çağlarındakı sevgililəri ilə görüşür. hələ o vaxt yeniyetmə vaxtlarında dərk edə bilmədiyi, münasibət qurmaqda çətinlik çəkdiyi sevgililərlə yenidən görüşür, vüsalına çatır. hətta bir vaxt sürət qatarının pəncərəsinin önündə durduqları, bir kəlmə də danışmadıqları amma sonra saatlarla o xanım barəsində qurduğu xəyallar gerçəkləşir. herman hesse fikrimcə, bu texnika ilə, əslində başqa şey demək istəyir: hər bir anın qədri bilinməli, əgər istəyirsənsə, birini sevirsənsə, arzulayırsansa, mütləq hərəkət və ya cəhd etməlisən, hər şey öz anında baş verəndə gözəl olur. daha sonra harri çox sevdiyi bəstəkar Motsart ilə qarşılaşır. motsart onu kinayəli gülüşlərlə qarşılayır, elə o cür gülüşlərlə də yola salır. Səbəb nə idi: - harri hər şeyi çox ciddi qəbul edən, əzab istəyən idi, əzablar yüksək həddə çatanda ülgüclə intihar barədə düşünürdü. onda bu nəyə lazım idi? -motsart ona dedi - ciddiliye layiq olan şeyləri ciddi qəbul etməyi öyrənin və qalanlarına da gülün əsas məsələ bu idi - gülmək, gülməyi bacarmaq. daha sonra harri sehrdən ayılaraq digər otaqda dostu pablo ilə herminanı eyni yataqda görüb herminanın ürəyinə bıçaqla vurub öldürür. səbəb qısqanclığa yenilmək idi. amma sonda herminanın da adi bir şahmat fiquruna çevrildiyi görünür. harri aldadılmışdı. əsərin sonunda o deyir: - haçansa bu fiqurlarla yaxşı oynayacam, haçansa gülməyi öyrənəcəm. pablo məni gözləyirdi. motsart məni gözləyirdi. hesse bir səhnədə mahir şəkildə insan varlığının canavardan da qəddar olduğunu göstərir. "sehrli teatr"da sirk səhnəsində harriyə dəhşət oxşayan birisi (elə harrinin özünü nəzərdə tutur) canavarın boynuna ip başlayıb oynadır, canavar müti şəkildə onun əmrlərini yerinə yetirir. canavara yaxşı balaca heyvanlar gətirirlər, o , onları yemir. daha sonra rollar dəyişir, insan (harri) canavarın oyuncağı olur, canavarın əmrlərini yerinə yetirir. amma axırda ona yeməli quzular gətirilir, insan neynir? o quzuları didib parçalayır. hesse demək istəyir: insan budur.

    əsərdən bəiz parçalar:

    "O, həyata açılan balaca bir pəncərə, zülmət dolu qorxu dünyama düşən işartı, mənim xilaskarım, işıqlı dünyaya aparan yolum idi. Mənə ya ölməyi, ya da yaşamağı öyrətməliydi; öz möhkəm, qəşəng əlini daşa dönmüş ürəyimin üstünə qoymalıydı ki, həyat hərarətindən od alıb ya çiçəklənsin, ya da yanıb külə dönsün".

    "Heç bilmirəm bu, müdriklik idi, yoxsa di sadəlövhlük - ancaq kim ki bir anın hökmü ilə yaşamağı bacarır, kim ki gündəlik həyatla ayaqlaşmağın, rastına çıxan hər xırda gülün qədrini bilir, kim ki hər anın dəyişən hökmünü qiymətləndirir, onun həyatdan qorxusu olmaz".

    "həyat həmişə dəhşət olub. heç nədə günahımız yoxdur, amma hər şeyə cavabdehik. insan elə yaranan gündən günaha batır".

    "indi bildim ki, onu elə sevir, elə etibar edirmişəm ki, həmin etibarın sınması mənim üçün ömürlük dərdə çevrilib".

    "əgər nədənsə zövq almaq üçün sənə başqasının icazəsi lazımdırsa, deməli, doğrudan da yazıq adamsan".

    "insan özü də soğan kimi qat - qatdır, parça kimi min cür sapdan toxunub".

    --spoiler--


    hesse alman olub, müharibə əleyhdarı olub, buna görə təqiblərə məruz qalaraq isveçrəyə sığınıb. bu romanda da harri müharibə əleyhdarıdır. əslində harri elə hermanın özüdür. herman hesse romanda avtomobillərlə insanların müharibəsini göstərirdi. sanki yazıçı özündən 70 - 80 il sonranı görürdü. indi də o müharibə getmirmi? yollarda nə qədər insan ölür. herman hesse 1927 - ci ildə yazdığı bu romanda tezliklə yeni müharibənin başlayacağına işarələr edirdi. və başladı, milyonlarla insan öldü.


sən də yaz!