bir qadın var


facebook twitter əjdaha lazımdı   googllalink

    1. gözәl bir şeir, Qismət Rüstəmovun. kimdisә artıq -*

    Bir qadın var hardasa, gözləri razılaşmaq dilində susur.
    metroda əlləri yaxasına, çantası dizlərinə səngər.

    Bir qadın var hardasa, xoşbəxtlikdən sinifdə qalan,
    hər gün ciyərini qayğılar didən mətbəxə zəncirlənmiş
    Prometeya.

    Bir qadın var hardasa, sevmədiyi kişiyə arvad,
    sevdiyi kişiyə çin səddi.

    Bir qadın var hardasa, qara günlərin qırmızı diplomlusu, iki uşaq anası.
    Yerindədi hər şeyi
    əri, uşaqları, şubası, biş-düşü.

    Bir qadın var hardasa, kibrit çöpündən tez sönür gülüşü.

    Bir qadın var hardasa, qadın deyirəm sizə
    gecələr ağlar səssizcə, haram qatar yuxusuna.
    ağlar bir qalstukun xorultusuna, bir kostyumun tütün qoxusuna,
    ağlar yatağındakı üzütəraşlı heç kim.

    Bir qadın var hardasa, Soruşsan, xoşbəxtsənmi?
    Bədbəxtəm deməz
    Deyər: çox mətbəxtəm.


sən də yaz!