willy lehmann


facebook twitter əjdaha lazımdı   googllalink

    1. kod adı "braytenbax" olan dünyanın ən məşhur casuslarından biri, məşhur "baharın 17 anı" serialındakı ştirlits obrazının məhz bu şəxsin fəaliyyətindən ilhamlanaraq yaradıldığı iddia olunur.
    azərbaycanca villi leman kimi tələffüz olunan casusun ana və atası alman idilər. onu sovet kəşfiyyatına işləməyə sövq edən başda hitler olmaqla nasistlərə güclü nifrət etməsi idi. digər tərəfdən sovet imperiyasının gizli casuslara olduqca çox pul verdiyi çoxlarına məlumdur. onun almaniyadakı hakimiyyətə və ideologiyaya nifrət etməsi ən yaxın dost olan ernst kur adlı birinə məlum idi və həmin bu kur da sovet casusu idi. beləliklə, sovet imperiyası kur vasitəsilə lemanla əlaqə yaradır və razılıq əldə olunur. almanlar isə villi lemana çox inanırdılar və tezliklə o, alman əks - kəşfiyyat orqanına başçılıq etməyə başladı. birbaşa hitlerə çıxış olan bir neçə şəxsdən biri idi. villi leman sovet imperiyasına olduqca dəyərli məlumatlar ötürürdü. hərbi müəssisələrdəki o dövrə qədər görünməmiş, gələcək müharibədə istifadəsi nəzərdə tutulan hərbi texnikaların layihələrini, hərbi poliqonların yerləri və s buna misal göstərmək olar. o hətta 1941 - ci ildə alman qoşunlarının sovet sərhədinə yığıldığı haqqında məulmatı verir, ardınca müharibənin dəqiq başlama tarixini onlara ötürür. amma moskvada ona inanmırlar. yalnız 1941 - ci ilin 22 iyununda hər şeyin doğru olduğu üzə çıxır. müharibə başladıqdan sonra sovet imperiyası lemanla itmiş əlaqəni bərpa etmək üçün almaniyaya iki casus göndərir. həmin casuslar gestapo tərəfindən ələ keçirilib işgəncə zamanı gəlişinin məqsədlərini deyirlər və beləliklə, villi lemanın sonu gəlib çatır. elə həmin gün leman yaxınları tərəfindən sonuncu dəfə görülür, ondan sonra iz - toz qalmır. yalnız müharibədən sonra alman arxivləri araşdırılarkən lemanın vəzifə kartı tapılır, onun ifşa olunduğu gün almaniyada o vaxt ən qorxunc həbsxana sayılan "Plettsenzee" göndərildiyi aşkar olunur. ehtimallara görə, onu məhkəməsiz - filansız güllələyiblər. çünki bu qədər yüksək vəzifədə birisinin sovet casusu olmasının bilinməsi fürer almaniyası üçün böyük biabırçılıq sayılardı.


sən də yaz!