polad siracov



facebook twitter əjdaha lazımdı   izləmə   lələ   mən   googllalink

    1. Polad Sabir oğlu Siracov - Quantanamoda həbsdə yatmış yeganə azərbaycanlı.

    Bioqrafiyası:
    1975-ci ildə Bakıda anadan olub. 1992-ci ildə Türkiyədə Kayseri şəhərində yerləşən Ərciyəs Universitetinin iqtisadiyyat fakültəsinə daxil olub, amma xəbər saytlarının çoxunda getdiyi kimi universiteti bitirməyib yalnız iki il təhsil alıb bundan sonra universiteti buraxıb. Bu iki il müddətində isə ingilis dilini öyrənib.

    Daha sonra təxminən 10 gün müddətində Türk tikinti şirkətlərinin birində tərcüməçi kimi işləyib. (xəbər saytlarında isə "10 günlük işləməsi"ni uzunmüddətli işləmək kimi təqdim edirlər az qala) Bundan sonra 1994-1996-ci illər aralığında Rusiyada-Moskvada tərcüməçilik, dülgərlik, paltar alveri ilə məşğul olub şərikinə işləyib.

    1997-ci ildə Bakıda intersun zavodunda işləyib. 1998-2000-ci illər aralığında isə Qarabağ ətrafında hərbi xidmətdə olub .

    2001-ci ilin önlərində isə evdən çıxaraq Əfqanıstana gedib. Burda gedən döyüşlərin birində isə yaralanaraq həmin ilin noyabrında Məzari Şərif yaxınlığında Nato qüvvələrinə təslim olub. Ailəsinə Quantanamoda olması xəbəri 2002-ci ilin yanvar ayında verilib.

    Obamanın seçki öncəsi verdiyi "Quantanamo bağlanacaq" vədindən sonra isə 2010-cu ildə azadlığa buraxılaraq Azərbaycanda işgəncələrə və həbs olunması təhlükələri ilə bağlı olaraq Slovakiyaya göndərilib. (qeyd edim ki, bundan öncə olan bu kimi hallarda bütün bu cür təşkilat üzvləri dindirilib və həbs olunub)

    Ləqəbləri: Abd əl Zaher, Abdullah əl-Qafqazi

    Onu da qeyd edim ki, P.Siracovun Bakıya gəlib-gələ bilməyəcəyi ilə bağlı suala Xarici işlər Nazirliyinin sözçüsü Elxan Poluxov öncə onun Azərbaycan vətəndaşı olmamasını bildirmiş, sonra isə onun azərbaycanlı olmasına baxmayaraq Rusiyada yaşadığını və beləliklə Siracovun taleyinə Rusiyanın məsul olduğunu bildirmişdi.


sən də yaz!