xuraman ve fidan qasımovalar


facebook twitter əjdaha lazımdı   googllalink

    1. Fidan Əkrəm qızı Qasımova 17 iyun 1947-ci ildə, Xuraman Əkrəm qızı Qasımova 6 iyun 1951-ci ildə Bakıda anadan olmuşdur.
    Fidan Qasımova, ADK-nın skripka (1971) və vokal şöbələrini 1972-ci ildə bitirib və həmin vaxtdan Moskva konservatoriyasında iki il aspirant-təcrübəçi olub. Oradan qayıdandan sonra, 1974-cü il-dən ADOBT-nin solistidir. Azərbaycan Respublikasının əməkdar artisti (9 yanvar 1978), xalq artisti (1 dekabr 1982), SSRi-nin xalq artisti (1988) fəxri adları ilə təltiflənib.
    Xuraman Qasımova, 1975-ci ildə Üzeyir bəy Hacıbəyov adına Azərbaycan Dövlət konservatoriyasında vokal sinifini bitirib. Çox az müddət Musiqili Komediya Teatrında işləyib. 1976-cı ildən Azərbaycan Dövlət Opera və Balet Teatrının solistidir.
    Opera və Balet Teatrına solist götürülməmişdən əvvəl, məktəbli vaxtlarından bir neçə bədii filındə baş rollara çəkilib. Buna görə də hələ vokal sənətində tanımnamışdan əvvəl kino aktrisası kimi populyar olub. "Liftçi qız" filmində baş rolu ifa edib. Sonralar "Mən ki gözəl deyildim", "Həyat bizi sınayır" filmlərində də maraqlı rollar oynayıb. Vokal ifaçılığında bir qədər sonralar uğur qazanıb.
    Opera teatrında Üzeyir bəy Hacıbəyovun "Koroğlu" (Nigar), Nazim Əliverdibəyovun "Cırtdan" (Cırtdan), Cahangir Cahangirovun "Xanəndənin taleyi" (Xanım), Cakomo Puççininin "Bohema" (Müzetta və Miınıni), Cüzeppe Verdinin "Aida" (Aida), "Otello" (Dezdemona), Pyotr Çaykovskinin "Yevgeni Onegin" (Tatyana), Covanni Perqomzininin "Xanınım qulluq-çusu" (Serpina), Şarl Qunonun "Faust" (Marqarita), Zakir Bağırovun "Qoca Xottabıç" (Leyla) operalarında yaratdığı obrazlar Xuraman Qasımovanın hərarətli sənət axtarışlarının parlaq nailiyyətləridir.

    1981-ci ildə Afinada keçirilən Mariya kallos adına Beynəlxalq müsabiqədə birinci mükafat alıb və "Qran Pri" mükafatının qızıl medalına layiq görülüb.

    1988-ci ildə 8-ci Beynəlxalq Çaykovski müsabiqəsinin gümüş medalmı alıb. Xuraman Qasımova sənət nailiyyətlərinə görə 1986-cı ildə Azərbaycan Respublikasının xalq artisti fəxri adına layiq görülüb. Azərbaycan Respublikasının Dövlət (1984) və Lenin komsomolu mükafatları laureatıdır.


sən də yaz!