kükürd


facebook twitter əjdaha lazımdı   googllalink

    1. alışqan kimyəvi maddə. məişətdə onu kibritin başında görürük. yəni kibritin başındakı o qəhvəyi şey kükürddür.
    2. Kükürd insanlara çox qədimdən məlumdur. Kükürd və onun yanma məhsulu kükürd-dioksid (SO2) çoxdan parçaların ağardılmasında, dərman vasitələrinin hazırlanmasında, qara barıtın alınmasında istifadə edilmişdir. Qədim sivilizasiya ölkələrində sərbəst kükürd kifayət qədər yayılmışdır. Kükürdün rusca adı qədim hindi dilində “sira” sözündən götürülüb, “açıq-sarı” deməkdir. Kükürdün rəngi onun hansı modifikasiyada olmasından (rombik və monoklinik kükürd daha çox məlumdur) və temperaturdan asılıdır. Mayeləşdirilmiş havaya salınmış kükürd, demək olar ki, ağ rənglidir.

    Dünyada çıxarılan kükürdün təqribən 50%-i sulfat turşusu istehsalına sərf olunur. Kükürdün birləşmələri kimya sənayesi üçün həddən çox vacibdir. Kükürdün 25%-i kağız istehsalı üçün çox vacib olan kalsium-hidrosulfitin (Ca(HSO3)2) istehsalına sərf olunur. Rezin almaq üçün kalsium çox vacibdir. Bunun üçün kauçuku kükürdlə vulkanlaşdırırlar.

    Kükürd kibrit, plastmas, parça və müxtəlif kimyəvi maddələrin, dərman vasitələrinin, sulfamid preparatlarının istehsalı üçün çox vacibdir.

    Kükürdün qeyri-üzvi birləşmələrindən sulfat turşusundan başqa, SO2, SO3, H2S çox əhəmiyyətlidir. A.Y.Fersman kükürdü “kimya sənayesinin motoru” adlandırmışdır.


sən də yaz!