6 dekabr 2013 sumqayıtdaki tələbə cinayəti



facebook twitter əjdaha lazımdı   izləmə   lələ   mən   googllalink

    1. üstündən 9 gün keçən və heç kimin qozuna olmayan cinayətdir. ama qozunuza olsa yaxşı olar məncə. çünkü 17 yaşında biri qorxmadan, həyəcanlanmadan, sakit bir şəkildə 18 yaşlı birinə 5 bıçaq zərbəsi vurursa, məncə artıq azərbaycanda cinayətlərin artması normal hal alacaq. yəni biz artıq bu həddə çatmışıq. o təsbeh qaqaşları, daqestan qaqaşları deyə kateqoriyalaşdırdığımız və bizim üçün sadəcə gülünc qaynağı olan o yeniyetmələrə gülməməli olduğumuzu anlamalıyıq. bakının arxa küçələrindəki çoxlarımızın qıjı, panyatka qaqaşları, dağlı, əhmədli uşağı kimi təsnifata böldüyümüz o yeniyetmələrə gülməli yox onlara birşeyləri başa salmalıyıq. yoxsa sabah bu yeniyetmələr əllərində beşbarmaqlar, bıçaqlarla sizin yolunuzu kəsib sizi də keflərinə görə bıçaqlayanda günahkar onlar olmuş olmayacaq. günahkar cəmiyyət olmuş olacaq.

    bu xəbər linki;
    http://xeberle.com/news.php?id=6205

    17 yaşlı yuso ləqəbli yeniyetmə cinayəti işlədikdən sonra belə bir status yazıb;
    "Allah rehmet elesin, pcaxladigim adam neytral sako rehmete getdi. Men 1-ci bolmedeyem. Sabah aparirlar prokraturaya, icaze alib girdim fb-ya. Sizden hec ne istemirem, arada meni de yada salin. Deyilene gore 8 il is verecekler. Allah amaninda olun. Sakoya da Allah rehmet elesin"

    bunu oxuyanda adamın pcaxladigim sözünü səhv yazdığını görüb gülür yəqin çoxu. sonra da xəbər saytını bağlayıb çıxır. ama heç diqqət etmirlər bu soyuqqanlılığa? adamın 17 yaşı var cinayət işləyib və soyuqqanlılıqla yazdıqlarına baxın.

    mən sizə deyim nə olacağını, bu uşaq həbsdən çıxacaq və vor olacaq, ün qazanacaq. və beləcə bizim cəmiyyət sürünüb gedəcək həmişə ki kimi, nə qədər ki biz onlara gülürük.
    2. yaş ortalaması 17 və altında olan bu insanların kütləvi halda ləqəbləşməsi, cinayətin məntiqini qavramadan cinayətə yatqın olmaları təəcüblü deyil. bu insanların problemləri təməl dayanır. ölüm təhlükəsini yaşamadan, ölümün və həyatın nə olduğu haqqında şərhləri olmayan bu insanları günahkar adlandırmaqda lazım deyil. altını qalın xəttlə çəkirəm, çəkəcəm. ailə və fərd əlaqələri mütləqdir. doğmaları allahlaşdırmaq problemi, elementar bir söyüşlə cinayətə səbəb olabilir. ciain axtardığı cinayətkarlarla bu insanları qiyaslamaq da məntiqsizdir. adicə cinayətlərin işlənilmə səbəblərinə, prinsiplərinə nəzər yetirsək cəmiyyətlər arası fərqlər aşkarlanır.
    öldürdüyü insanı tanımıram. amma seçdiyi ləqəbi, yaşı, geyimi, duruşu etibari ilə qatil, öldürülən insanla böyük ehtimalla eyni sinifi təmsil edirlər. ataların başı aşağı salmamaq olaraq dəyərləndirdikləri çox qısıtlı və primitivdir. güvəndikləri allah və din simvolu var, arxalarında dayanacaqlarına inandıqları dostları var. amma o insanın "heç nə istəmirəm, arada məni də yadınıza salın" deməsi dramadır. zamanla unudulacağından qorxur və unudulacaq da.
    soyuqqanlılıq məsələsində isə, qatil 8 ili gözündə böyütmür. 25 yaşında "cayıl" deyə kategoriyalaşdırılmış halda çıxacaq və şüur olaraq o adam sumqayıtda yaşadığı 8 illə, türmədəki 8 il arasında fərq görmür.
    3. belə insanlara qarşı mübarizə aparmağın yolunu tapmaqda çətinlik çəkirəm. təhsil səviyyəsi bu yerdə olan ölkədə hər şey baş verə bilər.


sən də yaz!