killer toon


facebook twitter əjdaha lazımdı   googllalink

    1. hollywood klişelərindən uzaq, maraqlı, ssenarisi olduqca original, sonuna qədər gərginlikdə saxlayan, bol - bol qorxu - triller ünsürləri olan koreya filmi. avropada son illər ispan filmləri yüksəlişdə olduğu kimi, asiyada da cənubi koreya filmləri olduqca uğurludur. qorxu janrında isə ümumiyyətlə ustalaşıblar. aylar öncə izlədiyim "shutter" adlı qorxu filmi hələ də yaddaşımdadır və o filmdən fraqmentləri dəqiq xatırlayıram. bu filmi də çətin unudaram. filmin ingiliscə adı "killer toon", koreya dilində original adı "deo web-toon:ye-go sal-in" istehsal ili 2013.


    --ağır spoiler--
    film ilk növbədə original sujet xətti ilə diqqəti cəlb edir. ofisdə qadına içində bəzi şəkillərin olduğu fayl göndərilir. bu fayldakı şəkillər qadının anası, anasının necə həlak olması barədə hadisələri əhatə edir. qadın bir növ öz dəhşətli keçmişini bu şəkillər vasitəsilə xatırlayır. və qəribəsi bundadır ki, bu şəkillər həm də onun necə öləcəyi barədə də məlumat verirdi. az keçmir ofisin işıqları söndürülür və səhəri qadının üz - güzü bıçaqlanmış cəsədi tapılır. işi araşdıran polislər şəkilləri ona göndərənin evinə gəlirlər. bu gözəl və gənc bir qadındır. bu cür qorxulu şəkillər seriyası çəkir və bu sahədə çoxlu uğurlar qazanıb. detektivlər ona sual verirlər ki, qadının keçmişini və necə ölcəyini əks etdirən hadisələri necə oldu bildin? və təbii ki hadisələri belə dəqiqliklə bilən bu qadından şübhələnirlər. hadisələr davam etdikcə ölümlər də ard - arda gəlir. məlum olur ki, şəkillər çəkməklə uğur qazanmış bu xanım bu sahəyə marağı olsa da əslində istedadı yoxdur və şəkilləri başqa bir qızdan oğurlayıb. həmin qız ölülərlə danışmaq istedadına malik idi və insanların necə öləcəyini öyrənib bunu ustaca çəkdiyi şəkillərdə əhatə edirdi. və uğur qazanmış xanım bu ölülərlə danışan şəkillərin əsl sahibini öldürüb onları öz adına çıxmışdı. bəs insanları öldürən nə idi? filmdə ölən hər bir insan günahsız deyildi, ölümündə günahı olan hər bir ölmüş insan hayaletə çevrilərək bu səbəbkarın intiharına səbəb olur. gənc polisi yolda maşınla vurduğu qızın xəyalı, cənazədə işləyən adamı mumyaladığı həyat yoldaşı, nisbətən yaşlı detektivi ölümünə səbəb olduğu gənc detektivin xəyalı intihar etdirmişdi. bu filmdə heç kim günahsız deyildi - çıxardığım nəticə budur. əgər kiminsə ölümündə günahın varsa, mütləq bir yolla səni tapacaq öldürdüyün və ya ölümünə səbəb olduğun. qaldı ki, uğur qazanmış gənc qız necə öləcək. bu müəmmadır. çünki öldürdüyü, əsl istedad sahibi qız onun ölümünü əks etdirən şəkilləri çəkməmişdi. buna görə bunu deyə bilmərik. Bir sözlə izlənilməli filmdir.
    --ağır spoiler--


sən də yaz!