almas ildırım


facebook twitter əjdaha lazımdı   googllalink

    1. Azərbaycan mühacir ədəbiyyatının güzgüsü. bu gün anım günüdür.
    2. türkiyə'yə hicrət ettikdən sonra nahiyə müdirliyi vs. vəzifələrdə işləmiş şair.
    3. azərbaycan şeirinin müəllifi.
    Nərdə məni gül qoynunda doğuran,
    Xəmirimi göz yaşıyla yoğuran,
    Beşiyimdə, lay-lay balam, çağıran,
    Azərbaycan, mənim bəxtsiz anam, oy!
    Neçə ildir həsrətinlə yanam, oy!..

    Xəbər alsam, Muğanımdan, Milimdən,
    Nazlı Bakım, o neft qoxan gülümdən,
    Kim demiş ki, düşmüş adın dilimdən,
    Azərbaycan, mənim eşsiz yurdum oy,
    Ölməz eşqim, içimdəki dərdim, oy!..

    Salam versəm, rüzgar alıb götürsə,
    Ağrı dağdan göy Xəzərə yetirsə,
    Xəzər coşub zəncirini qırsa oy,
    Hökm etsə, bu sərsəm gediş dursa, oy.

    Könlümə tək Kəbə yapdım səni mən,
    Sənsiz neylim qürbət eldə günü mən?
    Sənsiz neylim Allahı mən, dini mən,
    Azərbaycan, mənm taxtım, tacım, oy.
    Oyanmazmı kor olası baxtım oy!
    4. orta məktəbdə qırmızı üzlü ədəbiyyat kitabı vardı neçənci sinif olduğunu unutmuşam ordan həyatını, daha doğrusu həbsxana həyatını oxuyub çox üzüldüyüm insan. həbsxanada ona verilən əzabları(soyuq suda saxlanılması və s.) oxuyub necə pis olmuşdum. oğlunun adı azər olub. kitabda yazılmışdı ki, oğlunu həmişə "odlar yurdunun türk oğlu" deyə əzizləyərmiş. türkiyədə vəfat edib.
    5. bu şeiri ilə məni ağladan böyük insan.

    Kimsə bilməz Tanrıdağın yaşını,
    Duman almış Altayların başını,
    Uçurmuşdur başdan dövlət quşunu,
    Sərvətinə yüz çevirmiş zaman hey…
    Qoca Türkün düşdüyü dərd yaman hey…

    Dörd bir yana dağılmış Türk soyları,
    Sönmüş ocaq, köçüb getmiş boyları,
    Dərdli-dərdli axar bozqır çayları,
    Saxlar içdən gizli ümid, güman hey…
    Qoca Türkün düşdüyü gün yaman hey…

    Ağ alnına qara yazı yazılmış,
    Yaylalarda düyün-dərnək pozulmuş,
    Gəlinlərin gur saçları çözülmüş,
    Yada qalmış, dilər eldən aman hey…
    Qoca Türkün düşdüyü dərd yaman hey…

    Dağdan-dağa çarpıb getmiş doğanlar,
    Qayalarda iz buraxmış al qanlar,
    Ordulara buyruq verməz elxanlar
    Nərdə qalmış Sədlər yıxan fərman hey…
    Qoca Türkün düşdüyü dərd yaman hey…

    Xarab olmuş Buxarası, Başkəndi,
    Matəm tutmuş Səmərqəndi, Daşkəndi,
    Kəndi söylər, tökər gözdən yaş kəndi
    Nə ozan var, nə yazan, nə şaman hey…
    Qoca Türkün düşdüyü dərd yaman hey…

    Qazan, Başqurd batmış, Qırım sürülmüş,
    Mənim çəkik gözlü yarım süzülmüş,
    Qonum-qonşum, bütün varım sürülmüş,
    Bulunurmu Sibiryada iman hey?
    Qoca Türkün düşdüyü dərd yaman hey…

    Türk elləri bir-birinə yadlanır,
    Qazax, qırğız, türkmən, özbək adlanır,
    Azəri Türk yanar, içdən odlanır,
    Ana yurdun içdən halı duman hey…
    Qoca Türkün düşdüyü dərd yaman hey…

    Orqun çağlar, yatmış ellər ayılmaz,
    Tarım çayı doğru yola qoyulmaz,
    Hey səslənir Amu-Dərya, duyulmaz,
    Sır-Dəryada qalmamışdır dərman hey…
    Qoca Türkün düşdüyü dərd yaman hey…

    Xəzər coşar, xəbər salar Kürünə,
    Axıb gedər Kür sürünə-sürünə,
    idil ağlar, Altın Ordu yədinə,
    Aral kəndi varlığında peşman hey…
    Qoca Türkün düşdüyü dərd yaman hey…

    Azərbaycan dərd içində doğulmuş,
    Sevənləri diyar-diyar qovulmuş,
    Ağla, şair, ağla, yurdun dağılmış,
    Nərdə qopuz, nərdə qırıq kaman hey?..
    Nərdə böyük Vətən – nərdə Turan hey!..
    6. rte-nin de bildirdiyi kimi 1945ci ilde sovet hokumetinden qachib turklere siginmaq isteyen azerbaycanlilari boraltan korpusunden geri qaytrilmalarina ve sovet esgerleri terefinden turklerin gozu qarshisinda gullelenmesine "donuk qardash" adli sheir hesr etmish shair


sən də yaz!