qaçmaq


facebook twitter əjdaha lazımdı   googllalink

    1. ən sürətli addımlama forması.
    2. özünün dediyinə görə feldir.və bu fel haqqında nə yazmaq olar?! (burda yazar düşünür, əslində isə bilir nə yazacağını).əslində bu entry'ni getmək başlığına da yaza bilərdim amma bu gediş qaçmaqdır.bu gediş qaçmaq qədər sürətli və asfalta düşkündür.və sən yaxşı bilirsən qaçmaqla getmək arasındakı addım fərqini.

    əslində çox şey.hisslərin yağış kimi yağanda üzərinə, hadisələr bezginliyə aparanda bir çoxunuz bu felə ehtiyyac duyursunuz cavan oğlanlar və cavan qızlar.hətda usain bolt'u belə məğlub edə bilərsiniz.

    nə qədər bərk qaçsanda səni buraxmır bir dəfə başlayan həyat düzəni.burda alın yazısı və talehə müraciət edirsən.amma onda da səs var, görüntü yox.düşünürsən ki, sən gedə bilməyən, qaça bilməyən insanlardansan.
    ali khayyam demişkən:
    şairlikdən asandır basıb getmək
    dişini sıxıb getmək çətin
    ətini didib getmək çətin


    həyatlarına toxunduğun bütün insanları geridə qoyub, bir bilet almaq və bu felə müraciət etmək.ilk baxışdan asan görünə bilər amma alınmır dost, alınmır.

    uzun müddət görmədiyim bu yaxınlarda rastlaşdığım biriylə bir şeylər içmə imkanım oldu.o da qaçırdı.məndən, keçmişdən və bu yaxınlarda hər şeydən qaçmağa qərar vermişdi.ən azından gözləri bunu deyirdi.hətda gözlərini belə qaçırırdı.içkinin təsiri getmə biraz daha uzat desə də bu anı, o qaçmalıydı.getməliydi, sıyrılmalıydı keçmişin izlərini daşıyan bu bədəndən.

    və qorxurdu.düşünürdü ki, ya qaçmaq'la bu kabus bitməzsə və bəlkə darıxdım.amma qərarlı olmalıydı o.o hər şeydən qaçaraq yeni dünya rekorduna imza atmalı idi.

    imza atdı mı?! deyə soruşsan sözlük.bilmirəm, ən son sərxoş halda evinə buraxdım.yəqin ki, asfalt da addımlarını hiss etmək üçün belə, hər səhər etdiyi kimi bu səhərdə biraz baş ağrısıyla,uzaqlara qaçmasa belə bu şəhərdə səhər qaçışı etmişdir.biraz təsəlli tapmaq üçün.

    entry'ləri uzada bilmirəm sözlük.məndə entry'lərdən qaçıram.hərkəsin qaçdığı bir şeylər olduğu kimi.və sonda:

    hər qaçış bir başlanğıcdır.amma nə qədər bərk qaçsanda eyni yerə dönəcəksən.və qaçmaq bir fel olmasına baxmayaraq içində nələr gizlədir.

    insan kendinden kaçamaz
    3. Qaç, düzgünlükdən qaçan yalançı kimi
    Qaç, ölümdən qaçan ölümlü kimi
    Qaç, qaranlığa tərəf qaç

    Gəl, qaranlığın qapıları açıqdır
    iki min il əvvəl doğulan insanı hələ də diri tutan insanlıq
    iki il əvvəl ölən yaxınını yadından çıxarır
    üç günlük dünyada rahat yaşamaq üçün
    əbədi əzabı gözə alan cahil
    qaç, sən sadəcə özündən qaç
    qaranlığa tərəf qaç ki, özünü məhv edənləri görməyəsən
    Sabah nə olacağını bilməyən insan
    Gələcəyi üçün indiki həyatını cəhənnəmə çevirir
    Qaranlığa tərəf qaç
    Qaç ki, eşitməyəsən
    Aldığı nəfəsi də yalan olanları
    Atdığı addımı səhv olanları
    Qaç, sən sadəcə özündən qaç.
    4. bəzi yuxularda ən çox içimdə qalan hərəkət. qorxduğun bir şeydən qaçmaq istəyirsən amma heç cürə mümkün olmur, tərpənə belə bilmirsən, ya da yavaşlatılmış kadırlardakı kimi hərəkət, yuxu zamanıyla keçən hər saniyədə həyəcan dup-dup və birdən ayılırsan ki, hayıf yuxuymuş.
    5. ən sevimli məşğuliyyətlərdən. stressi atır, çünki qaçarkən beyin xoşbəxtlik hormonu olan endorfin istehsal edir. ürək əzələsini möhkəmləndirir, qan daha sürətlə axaraq bütün kapilyarları hərəkətə gətirir.
    qaçmazdan qabaq biraz məşq edin, gəzin, qızışın. əsasən axşamlar qaçın.
    6. boş vaxt varsa mütləq ama mütləq hamının etməsi gərəkən idman. sən, mən, o, yaşlı cavan demədən hamı. məşq salonlarında bədən şişirtməkdən daha faydalıdır. qaçmağın psixolojik yararları fiziki yararlarından daha çoxdur. depresiyanın mənə görə birə-bir təbii əlacıdır. fiziki olaraq bədən görünüşünü düzəltməkdən əlavə, sağlam bədəndə sağlam ruh olar sözü boşuna deyilməyib;

    - qaçmaq bədəninizdəki əzələləri yorduğu üçün bədən ağrını hiss etməməyiniz üçün endofrin hormonu sintez edir, və endofrin özünüzü yaxşı hiss etməyinizə səbəb olur. bundan əlavə serotonin dopamin də sintezlənir. nəticə etibarı ilə depresiya azalır.

    - dopamin sintezləndiyi üçün özgüvəniniz artır.

    - bədəninizin düzgün görünüş alması, qanın təmizlənməsi, oksigen alımının normallaşması, arıqlamaq, şəkər-kanser kimi itə tök xəstəliyin qarşısını alması kimi digər faydalarına girmirəm belə.

    depresiv insansınızsa, qaçın.

    qaçmaq ən ucuz idmandır, qaçmaq istəmirsinizsə digər idman növləri ilə maraqlanın, bolca hərəkətli idman olduğundan əmin olun çünki hərəkət etmək endofrin artırır unutmayın. məsələn boks ya kick boks ikinci alternativ ola bilər, bir zamanlar məşğul olurdum və depresiyaya olduqca faydalıdır. heç olmasa həftədə bir dəfə oynanılan futbol da əjdahadır. yenə hərəkət edirsiniz, qaçırsınız. nə edirsiniz edin, salonlara girib daş qaldırmayın. bədəninizin gözəl görünməsini istəyirsinizsə belə əmin olun boksda buna daha rahat nail ola bilərsiniz, və heç bir bədən şişirmə hərəkəti qaçmaq qədər belaltı əzələlərinizə kömək edə bilməz. bu arada, boksa ringə çıxmağı sevmirsinizsə çıxmaq məcburiyyətində deyilsiniz, mən çıxmırdım. torbanı yumruqlayın. rahatladır.

    antidepresanları bir kənara atın, qaçmaq kimi şansınız varsa.

    edit: boksdan əlavə, tenis də əjdahadır. bir vaxtlar məşğul olurdum və həqiqətən çox gözəl idman növüdür. kimisə tapmağınıza ehtiyac da yoxdur, divarla məşq edin. etdiyiniz hərəkətlər endofrinizi artıracaq.

    (bax: runner's high)
    7. günün istənilən vaxtlarında insanların əsasən idman məqsədilə etdikləri hərəkət. Mən hər qaçanda böyürlərimdə iynələmə hiss edirdim həmişə. Təzə-təzə vaxt fikirləşirdim ki yəqin təzə başlamışam deyə belədi, amma heç cürə bu bitmirdi. indi öyrəndimki əslində səbəb başqaymış.
    Demək, əgər qaçanda böyürlərdə iynələmə hissi yaranırsa, çox güman ki bu sağ ayaq üstünə basarkən nəfəs alma ilə əlaqədardır, çünki bu vaxt qaraciyərə əlavə təzyiq göstərilir. Əgər, sol ayaq üstünə basarkən nəfəs almağa cəhd etsək, bu ağrı gedəcəkmiş.


sən də yaz!