daad



facebook twitter əjdaha lazımdı   googllalink

    1. almaniyada təhsil proqramıdır. 1925ci ildən mövcuddur və 1.5 milyon tələbə oxuduq almaniyada. almaniyada illik ödənişi 500 avrodan artıq olmayan universitetə qəbul olduqdan sonra sənədi daad`a göndərirsiz və onlar sizə təqaüd verir.
    2. ingiliscə adı german academic exchange service olan, bakıdakı məlumat mərkəzi azərbaycan dövlət neft və sənayə institutunda yerləşən təşkilat. Dünyanın bir çox ölkəsindən tələbələrə almaniyada master, phd və ya dil kursu üçün təqaüd imkanı yaradır. Master oxumaq istəyənlər üçün müraciət prosesi oktyabrda başlayır və noyabrın 1-nə qədər davam edir.
    3. rəqabətin bir az çox olduğu təqaüd imiş. sənəd-sünəd mərhələsində lazım olanlar transkriptdi, attestatdı, diplomdu, dil sertifikatıdı, motivasiya və tövsiyə məktublarıdı, müraciət etdiyiniz üç proqram haqqında məlumatdı, bir də bir-iki formu doldurursuz. hardasa noyabrın ortaları tədqiqat və master təqaüdü üçün müraciət edənlərə birinci mərhələnin nəticələri deyilir. bir həftə filan sonra da müsahibə olur. ərizə mərhələsində elə namizədlərin çoxuna yox cavabı verirlər. bu il müraciət eləyən 287 nəfərdən 32-sin ikinci mərhələyə çağırıblarmış. Müsahibədən sonra da rəqəm dəyişir, amma təxminən yarı-yarı olur deyəsən, keçən il 16 master, 5 tədqiqat təqaüdçüsü seçiblərmiş. oxumuşdum ki, guya əsas motivasiya məktubuymuş. müraciət edənlərin çoxunun ortalamaları filan yüksəkdisə, yəqin ki, əsas rolu motivasiya oynayır. Motivasiyamı necə yazdığımı yazmışdım - #250834. əlavə olaraq, məktubunuza təqaüdçü olacağınız təqdirdə öz cəmiyyətinizə nə kimi faydanız dəyə bilər, onu da qeyd edə bilərsiz. bir də müraciət etdiyiniz proqramla akademik göstəricilərinizin uyğunluğu da rol oynayır məncə - çox uçmamaqda fayda var. formlardan birində də təhsil (master üçün), təqdiqat (ph.d.) proyekti haqqında məlumat verməlisiz. bir az inandırıcı olmaq lazımdı.

    Müsahibədəysə kimisi deyir sırf motivasiya yönümlü suallar verilir, kimisi deyir sırf ixtisas. kimisi də deyir hər ikisindən. Mən bakalavrdakı diplom işimdən suallar verərlər deyə onla bağlı nə var hamısına göz atmışdım. niyə bu universitet filan tipli suallara hazırlaşmışdım bir də. Ümid eləyirdim ki, ixtisas soruşmazlar. Komissiya üç nəfərdən ibarət idi. Biri oxumaq istədiyiniz sahədən olur, o biri daadın nümayəndəsi, üçüncüsü də müsahibə boyunca qeydlər götürdü ancaq.

    Mənim üçün müsahibəsi olduqca uğurlu günə düşən təqaüddü bu. Özünü tanıtma hissəsin keçəndən sonra gözlədiyimin əksinə ixtisas üzrə suallar verilmişdi. Birinci sualım riyazi-fizika tənliklərindən idi. ixtisas sualları olacağın başa düşən kimi ürəyimdə 'bu da belə getdi, bir təqaüdün daha sonuna gəldik, önümüzdəki maçlara' deyə düşündüm. Kişi sualı verib-qurtaranda mənə çatdı ki, tam bal almışdım mən bu fəndən, cavab verə bilmirəmsə yerə girim. Sonra keçdi xətti cəbrə, qrupdu, meydandı - yenə yaxşı bildiyim yerdən gəldi. Axırıncı ixtisas sualında da bəxtim zirvədəydi. Kişi qayıtdı ki, bəs əsas marağını riyazi-fizika qeyd eləmisən, o sahədə də statistika bilikləri lazım olur. Universitet fənləri arasında ən zəif bildiyim idi bu da. Ona görə statistikadan sual vermək niyyətin başa düşəndə içimdə özümə də, statistika müəlliminə də söyürəm. Axırda nə sual verə, monty hall problemi. Hansını ki, hardasa bir ay əvvəl bir dostuma lazım olub, mənə də deyib ki, ona izah eləyəm. O dostumun ixtisası da tamam başqadı deyə bircə ay əvvəl sadə dillə başa salmaq üçün neçə yolun fikirləşmişəm. Kişi sualı izah elədi. Mən də artistlik eləyib bir dəqiqə fikirləşdim, sonra cavab verdim. Markeri qoyanda da nə eşidəm – kişi ordan brilliant, brilliant deməsinmi (o an vicdan əzabı çəkdim də, sözlük, çox çəkmədi, iki saniyə sonra dedim: - sən canı sus, the end justifies the means). Sonra da dedi ki, axırıncı sualı da cavabla, elə bil ki uje ordasan. Mən də yenə ağlamaq totemimə sadiq qalaraq hələ də düşünürəm ki, getdi bütün əziyyət. Son sual da o oldu ki, bəs niyə filan universitet ilk seçimindi. O da cavabım hazır idi. bütün imkanlarından tut da, gələcəkdə tədqiqat aparmaq istədiyim sahəylə bağlılığına qədər danışdım. Müsahibə qurtardı bunla da. Çıxmışam otaqdan, üzümdə salakca gülümsəməylə gəzə-gəzə gedirəm. Evə də gəlmişəm ki, qaldı mart-apreli gözləmək. həmişəki kimi bu ruh halım da bir gün çəkdi. iki gün sonra yenə başladım ki, kül başına, bir dənə sözlə nə çıxırsan özündən. Nəsə sözlük, keçən həftə cavab gəldi ki, qazanmışam təqaüdü.

    Sözümün canı yaxşıca hazırlaşmaq lazımdı, amma bəxt də lazımdı. Bir də işin sirri ağlamaqdı deyəsən. -* Çünki gündəlik həyatımda bəlkə hər gün murphy-yə söyənəm də, bu işlərdə gətirir mənimki. indi də hələ universitetə sənədlərimi göndərməmişəm, bayaqdan onlarla məşğul olum deyə oturmuşam. ona ağlayıram, bir də oxuya bilməyəcəm deyə bütün yaxınlarımın ömrün necə deyərlər o məsələ. Üstəlik Bir də burda ağlamış oldum. -*
    amma neçə uğursuzluqdan sonra xoşbəxtəm.

    imtahası yaza-yaza bir də o nəticəyə gəldim ki, hara da getsəm bu inəklik izimdə, sözlük.
    (bax: başlıqları səhv salmaq)
    (bax: Sözaltı günlük)


sən də yaz!