əmək haqqı



facebook twitter əjdaha lazımdı   izlə   lələ   mən   googllalink

    1. pul, mal cinsindən ifadə edilir. pul şəklində ifadə olunan nominal maaş, mal cinsinsin verilənə real maaş. nominal maaşla real maaş arasındakı fərq infilyasiya halında daha aydın görünür. infilyasiya zamanı pulun satınalma gücü düşür və nominal maaş sabit qalır, amma real maaşlar dəyişir və düşür.
    2. insanların gözləməkdən gözlərinin kökünün saraldığı pula verilən ad. insanların həyatını sərf etdiyi şeydən aldığı 3-5 quruş. insanların beyninin, əməyinin, ideyalarının qarşılığı. insanları özündən asılı hala salmağa məcbur etmiş şeyə verilən ad. əməyin haqqı olar, tamam da, hər pul əmək haqqı deyil, olmamalıdır. o əməyin haqqı o əmək haqqı deyil.
    3. Əmək məcəlləsinin 154-cü maddəsinə əsasən, əmək haqqı müvafiq iş vaxtı ərzində əmək funksiyasını yerinə yetirmək üçün əmək müqaviləsi ilə müəyyən edilmiş, işçinin gördüyü işə və ya göstərdiyi xidmətlərə görə işəgötürən tərəfindən pul və ya natura formasında ödənilən gündəlik və ya aylıq məbləğ, buna edilən əlavələr, mükafatlar və digər ödəmələrin məcmusudur.

    Burda mənə qəribə gələn, görülən işə və ya göstərilən xidmətə görə işəgötürən tərəfindən işçinin haqqının naturada ödənilməsinin mümkünlüyüdür. Naturada ödənilməsi görülən işin, ya da göstərilən xidmətin dəyərinin pul formasında ödənməsini istisna edir. Yəni, əgər əmək müqaviləsində nəzərdə tutulsa ki, haqq naturada ödəniləcək, deməli, bu işçi pul üzü görməyəcək, işlədiyi yerdə nə istehsal olunursa, onun bir hissəsi ona hazır şəkildə veriləcək.

    Natura söhbətinin yeri yoxdur və məncə, məcəllədən çıxarılmalıdır. Sovetdən (daha da dərinə gedəndə, feodalizm dövrü) qalma bir şeyə oxşayır. Kapitalizmin mahiyyəti puldursa, naturada əmək haqqının verilməsini nəzərdə tutmaq nə qədər məntiqlidir, aydın deyil.


sən də yaz!