25 yazar 30 başlıq və 51 entry
yenilə | gündəm | top

1 2

sasani ideal kişi və qadın obrazı rəşt cənubi koreya the big bang theory suriya türkiyə savaşı recep ivedik 5 publarda qoyulan musiqilər horrible bosses yuxu iflici obsessiv kompulsiv pozuntu 4 uşaqlıqda heyvanlara verilən işgəncələr 5 whiplash 2 otto weininger təkcə mənmi edirəm deyə düşünülən şeylər 3 imtahana bir gün qalmış hazırlaşmaq arrival 2 damien chazelle la la land sözlüyə yenidən gəlinəcəyi təqdirdə alınacaq nicklər 2 nihalny yazarların sevdiyi adlar 2 yazarların paylaşmaq istədikləri şeirlər 6 timidus padoş star wars: the last jedi əzabsız intihar üsulları 3 məsləhətxana yazarların paylaşmaq istədikləri mahnılar 2 defolt david hilbert sol tərəfi keçid üçün boş saxlayan adam 6 star wars episode viii: the last jedi hedonizm infarkt keçirtdirən facebook statusları 3 azərbaycan texniki universiteti the strokes biqeyrət 5 qız tutmağın yolları işid nikaltı savaşları genius sözlükdə görülməsi istənilən şeylər 2 dirty girl elmi fantastik filmlər 2 qırmızı lifçikli qız 4 azərbaycan ağsaqqalları 2 rəng tonu temperament aytəkin zeynalova 2 nükleer başlıklı kız yazarların moderator olsa edəcəkləri 4 o. henry 2 tiresome william sydney porter anonim 2 mesaj qutusunda blowjob məsləhətli dram filmləri 2 çük bəlkəni əkiblər bitməyib 2 survivor 2017 2 hər dəfə sözlüyü bağlayıb çıxıb yenidən girmək uvuvwevwevwe onyetenyevwe ugwemuhwem osas 4 şəxsiyyətin bir neçə yerə bölünməsi və şizofreniya 4 uşaq sahibi olmağın mənfi tərəfləri 3 roberto esquivel gözəl qadınlar yazarların hal hazırda dinlədikləri musiqilər işi gücü azərbaycanı pisləmək olan tiplər 2 gijdıllağ 2 aşıq qərib yuxudan axşam durmaq 2 ikinci hissəsi daha uğurlu olan filmlər memorandum gənc verterin iztirabları








şəxsiyyət



facebook twitter əjdaha lazımdı   googllalink

    1. insanın iri qruplarda yaşaya bilməsinin, sağ qala bilməsinin tək səbəbi. insan bədənini tanıyır. beş nəfər güzgüyə baxanda, o beş nəfərin arasından özünü seçməyi bacarır. eyni şeyi düşüncələri, iç dünyası ilə də etmək istəyir. çünki, cəmiyyətdə yaşamağın, sağ qalmağın başqa yolu yoxdur. ortada beş fərqli düşüncə, beş fərqli reaksiya və ya xasiyyət olanda insan özünə aid olanı tapmalıdır ki, cəmiyyətdə yaşaya bilsin. başqa sözlə özünü identifikasiya etməlidir. bunun üçün şəxsiyyət, mən deyilən xəyali bir qəlib yaradır. bu qəlibə görə yaşayır. "filan hərəkəti mən etməzdim.", "filan adam bu yerdə mənim kimi düşünür.", "bağışla, heç bilmirəm, o günü sənə niyə elə davrandım. mən belə deyildim." və s. gördüyünüz kimi qəlib kimi formalaşmış bir düşüncə yığını var. insan özünü onunla başqalarından seçir, başqalarına bənzədir və s. bədəni bir vahiddir deyə, ruhunu da vahidmiş kimi təsəvvür edir. cəmiyyətdə başqa cür münasibət qurmaq mümkün deyil çünki. dediyim kimi özünü seçmək, ayırmaq vacibdir.
    amma bu qəlib uydurmadır. insanın şüuru onun üzərində hakim deyil, onun bədəni və ətraf aləmdəki başqa faktorlar onun şüuru üzərində hakimdir. verdiyi qərarlar sadəcə həmin o mən, şəxsiyyət deyilən qəlibdən qaynaqlanmır. həmin o qəlibin daha dərinindən gəlir. ətraf aləm faktorları həmin o qəlibə tamamilə zidd qərarlar verməyimizə səbəb ola bilir. bu daha çox müharibə, aclıq, fəlakət, seksual aclıq vaxtlarında hiss olunur. belə hallarda insan bu davranışlarını istisna hal kimi qəbul edir və həmin o qəlibdən ayrı tutur. qəlib toxunulmaz qalır. halbuki, o qəlib insanın daxilindəki o çoxluğun, sərhədləri elə insanın özü tərəfindən könüllü şəkildə qoyulmuş bir hissəsidir. bir okean təsəvvür edin. sonra onun ortasında heç bir təbii sərhəd olmadan xəyali bir dəniz yaradın. həmin dəniz dediyim qəlibdir, məndir. sadəcə o dənizdən ibarət olduğumuzu düşünüb, okeanın geri qalanına istisna deyirik. həmin o okeanın varlığını qəbul etmək, cəmiyyətdə özünü identifikasiya edə bilməməkdir. biri ilə danışarkən sevinməyin, cavablar verməyin sadə "mexaniki", bəzən də sırf təsadüfi proseslər olduğunu qəbul etməkdir. dəniz yoxdursa, onda müxtəlif düşüncələr, xasiyyətlər arasında özünü seçə bilmirsən. cəmiyyətdə yaşamaq mümkünsüz olur. ən pisi isə yaşamını, var olmanı sadəcə oksigen israfına, protein sintezlənməsinə və s. şeylərə bağlayırsan. bəzən hansısa insandan danışanda deyilir, "bir şəxsiyyət kimi formalaşıb, dahidir. onu başa düşmürlər deyə, cəmiyyətdən aralanıb, təklənib.". amma məncə şəxsiyyət kimi formalaşanlar cəmiyyətdə yaşamağa ən yaxşı adaptasiya etmiş insanlardır. cəmiyyətdə yaşaya bilməyən insanlar özünə bir obraz verə bilməyən, qəlib yarada bilməyən insanlardır.
    moderatorlara not: entryini hara yazacağımı bilmədim. başqa başlığa aid hiss eləsəz xahiş edirəm keçirin.
    2. Yunan mənşəli söz olub mənası maska deməkdir.
    3. #214553 şәxsiyyәt әrәb mәnşәli sözә daha çox oxuşur, әn azı şәkilçisinә görә. Fәrd kütlәni әmәlә gәtirәn minlәrlә elementdәn biridi (existensializmdәn bilirik ki, o fәrdin bir әhәmiyyәti yoxdu). hegel -ә görә "şәxs"in "fәrd"dәn fәrqi kamillәşәrәk fәrqlilәşmәyindә vә tәklәşmәyindәdir. Şәxs öz dәyәrlәrini bilәndi, sorğulayandı; fәrd kütlәyә uyandı, sürüdәn biridi. Şәxsiyyәt deyәndә hansısa dәyәrlәri özündә maksimum toplayan toplayan fәrd nәzәrdә tutulur. Hansı dәyәrlәri toplamasından asılı olaraq da bir qrup insan birini şәxsiyyәt sayanda, başqa bir qrup saymır. Mәsәlәn, Şah ismayıl mәnә görә şәxsiyyәt deyil. Ya da mәnim şәxsiyyәt saydığım Әkrәm Әylisli әksәr insançün alçaqdı.
    4. Adi nəsnə olduğunu qəbul edə bilməyən bəşəriyyətin eqo məhsulu anlayış.
    5. #214553 nömrəli entrydə deyildiyi kimi heç də yunan mənşəli söz olmayıb, ərəb sözüdür ki, "Şəxs" sözündən götürülmüşdür. maska ya gəldikdə isə, heç də belə deyil, deyəsən yazarımız persona sözü ilə Şəxsiyyəti səhv salıb. Persona məhz yunan mənşəli söz olub, maska yox, məhz "maska taxıb gəzmək" anlamını verir.

    Qeyd: Bu kimi məsələlərdə biraz diqqətli olsaq, yaxşı olar.
    6. Müəyyən tarixi-siyasi dövrdə yaşayan ve fəaliyyəti ilə cəmiyyətin həyatına təsir göstərən fərd ve ya şəxs


sən də yaz!