22 yazar 35 başlıq və 54 entry
yenilə | gündəm | top

1 2
modernizm 2 niko pirosmani 2 arqument yazarları düşündürən suallar 6 çox yatmaq elmi akademik məqalə kuba 4 bioqrafiya və avtobioqrafiya hasbi rabbi kulinariya reçitativ rıçaq toz içində çiçək czech fantasy kassir midnight cowboy michael haneke oliqopoliya sözlük yazarlarından şüarlar 2 asılılıq yaradan oyunlar 12 tərcüməçi qəzəb qüvvəsi eldamar dikanka yaxınlığında bir kənddə axşamlar azərbaycandakı həyatın demo olması kuber-pedi 2 1907 jason bourne çörəkarası saçaq pendir tantuni ahmet ümit penitente pontius pilatus 2 maitre gims satıcı mizantrop 8 qara mamba 3 sözlük yazarlarından aforizmlər azərbaycanlılar üçün application ideyaları 4 deep purple 3 nova synteza teksun 2 strawbs far cry 3 2 playlist ian anderson 3 cem adrian 3 hell or high water nailə əliyeva ballda of francis alabadalejo the last of us part 2 too old to rock 'n' roll: too young to die! the jethro tull christmas album crest of a knave erik erikson wikipedia cinayət prosessual məcəlləsi suspense məsləhətli sənədli filmlər yazarlar haqqında başlıq açmağın məntiqi string driven thing yazarların başına gələn maraqlı hadisələr 3 əli mirəliyev kasıb çalğıçı fizikanın təkamülü 2 masturbasiya 6 local uncharted: the lost legacy reveal tirnidus yify the last of us 3 cinayət məcəlləsi mother of mine black hawk down gagma napiri no man's land hotel rwanda təkcə mənmi edirəm deyə düşünülən şeylər 2 4 dekabr 2015 neft daşlarında qəza 2 siyasi aktivist müptezeller yazarların paylaşmaq istədikləri musiqilər sözlükçülərin ən sevdiyi cizgi film personajları homoseksuallığın xəstəlik olmadığı gerçəyi yazarların hal hazırda dinlədikləri musiqilər booky.io favoritus.com sezen aksu 2 azərbaycan iqtisadiyyatı social media manager

grigori perelman


facebook twitter əjdaha lazımdı   googllalink

    1. Rusiya riyaziyyatçısı, 100 il isbat oluna bilməyən və ən böyük 7 problemlərdən biri olan Puankare hipotezini* isbat etmiş şəxs.1966-cı ildə Leninqradda yəhudi ailəsində doğulmuşdur.Hazırda Kupçində anası ilə birlikdə yaşayır, qapalı həyat sürür.
    1996-ci ildə Avropa Riyaziyyat Cəmiyyəti tərəfindən gənc riyaziyyatçılar üçün nəzərdə tutulumuş təqaüdə layiq görülmüş, lakin bundan imtina etmişdir.
    2006-cı ildə Qriqori Perelmana Puankare hipotezini həll etdiyinə görə riyaziyyatın nobeli adlanan Filds medalı ilə təltif edimiş,lakin o bəzi riyaziyyatçı həmkarları tərəfindən lazimi hörməti görmədiyindən küsmüş və bu mükafatdan və milyon dollar pul mükafatından da imtina etmişdir.
    2006ci ildə Science jurnalı Puankare teoreminin isbatını “ilin naliyəti ”* adlandırmışdı.Bu riyaziyyat sahəsində bu ada layiq görülmüş ilk işdi.
    2007-ci ildə Britaniyanın The Daily Telegraph qəzeti "Hazırda yaşayan 100 ən ağıllı insan" siyahısını dərc etmişdir. Qriqori Perelman siyahıda 9-cu yer tutur.
    2010-cu ildə təşkil olunan bir yarışmada ən böyük problemlərdən birini həll etdiyi üçün Millennium mükafatı* və 1 milyon dollar verilsə də ondan da imtina etmişdir.
    2. bu yaxınlarda haqqında film çəkiləcək perelman real həyatda çox pinti səliqəsiz adamdır. saçını saqqalını və dırnaqlarını tutmamağının səbəbi kimi onsuz yenidən uzanacaq kimi göstərmişdir..ümümilikdə puankare nəzəriyyəsini sübut etdikdən sonra isə riyaziyyatdan getdiyi və tamamilə qapalı həyat tərzi yaşadığı həmçinin psixi pozğunluq yaşadığı deyilir..bu arada onun haqqında film çəkəcək rejissor james camerondur..
    http://blogs.luc.edu/mathstats/2012/08/16/the-shape-of-geometry-grigori-perelman-agrees-to-film-by-james-cameron/ link
    4. 1994-cü ildə soul teoremini isbat edən şəxs. 1995-96-cı illərdə stony brook'da qatıldığı konfransda hamiltonun ricci axışlarına dair nəzəriyyəsi ilə tanış olandan sonra poincare hipotezi üzərində işləməyə başlamışdı.
    5. Qriqori Perelman dünyanin ən dahi riyaziyyatçılarındandır.1966-ci ildə Leninqradda yəhudi ailəsində anadan olub. Atası onları atıb israilə köçəndə Qriqori uşaq yaşlarında riyaziyyat müəllimi olan anasının himayəsində qalır. O qədər savadlı uşaq olur ki, onu Macarıstana riyaziyyat olimpiadasına dəvət edirlər. Dünyanin 400 ən güclü riyaziyyatçısı arasında bütün tapşırıqları səhvsiz həll edərək, olimpiadanın çempionu adını qazanır. Onu imtahansız, Leninqraddakı mexanika riyaziyyat universitetinə qəbul edirlər. Harada biliklər yoxlanırdısa, Qriqori orada qalib olurdu. SSRi-də Lenin təqaüdü alan tək-tük tələbələrdən biri idi. Gənc yaşlarında Avropada, Amerikada universitetlərində riyaziyyatdan muhazirələr oxuyurdu. 1994-cü ildə Qriqori Perelman ruh haqqında teoremi isbat etdi. Dünyaya naməlum olan Puankare hipotezini incələyərək onu isbat etdi və onun fəlakəti də bundan sonra başladı. Sözün həqiqi mənasında professor dəli oldu və hər dəfə ona söyləyəndəki, sizi Fransaya, Amerikaya, ingiltərəyə mühazirə üçün dəvət edirlər. Bu zaman Qriqori sual edirdi ki, "Nə qədər gonorar verirlər?". Cavab isə rəngarəng olurdu. 500 min dollardan tutmuş 1 milyon dollaradək. Qrişa üz, gözünü turşudaraq belə cavab verərdi: "Tüpürüm sizə və sizin 1 milyon dollarınıza da". Ona dünyanın ən mötəbər, elmi medalı olan Filds medalı ilə təltif etdilər və o, mükafatı belə almağa getmədi. 2003-cü ildən bəri Qriqori Perelman Leninqradda anasının yanına gəldi və tək otağa qapandı. Ta bugünədək, özünə qapalı həyat tərzi ilə ömür sürür.
    6. Perelman 2000-ci illərin əvvəlində, 100 ildir heç bir riyaziyyatçının həll edə bilmədiyi Puankare teoremini həll etdiyini iddia etmişdi. Məsələnin həlli 100 səhifədən çox idi və bu həlli, dünyada hal hazırda fəaliyyət göstərən çox az peşəkar riyaziyyatçı başa düşə bilmək iqtidarında idi. Lakin 2 illik yoxlamadan sonra Perelmanın təklif etdiyi həllin tamamilə doğru olduğu hamı tərəfindən təsdiqləndi. Bundan sonra Qriqori Perelman, riyaziyyatçılar üçün Nobel mükafatına ekvivalent olan Fields medalına layiq görüldü . Eləcə də , Amerikada fəaliyyət göstərən Kley Riyaziyyat institutu *, Perelmana Puankare teoremini həll etdiyinə görə 1 milyon dollarlıq hədiyyə təklif etdi. Lakin Perelman nə ispan kralı tərəfindən ona şəxsən təqdim olunacaq Fildz medalını qəbul etməyə gəldi, nə də Kley institutunun 1 milyon dollarını almağa razılıq verdi. Rus riyaziyyatçısının bu davranışı bir neçə həftə bütün dünya və eləcə də Rusiya mediasında çox geniş yayımlandı. Hamını bir sual düşündürürdü: necə ola bilər ki, bu dünyada milyonçu olmaq istəməyən insan olsun?
    Yəhudi familiyalı Perelman öz nəticələri və onun qabağa getməsini çox istəyən bir neçə müəllimin köməyi ilə axırda LDU-ya * qəbul edilmişdi.
    Bu nöqtədə riyaziyyatçılar adətən iki istiqamətdən birini seçirlər: Cəbr və ya Həndəsə istiqaməti. Perelman Həndəsə yolunu seçdi və o zamankı çox məhşur rus alimlərdən dərs aldı. Ümümiyyətlə o zamanlar SSRi-də riyaziyyat ənənələri çox güclü idi və belə baxanda Perelman bu məktəbin bir məhsulu idi. O alimlər, o riyazi məktəb, o riyazi mədəniyyət olmasaydı, Perelman kimi alim yetişə bilməzdi. SSRi dağılan vaxtlarda Perelman ABŞ-a gedib orada karyera qurmağa çalışır. Amerikada da Perelamanın həll etdiyi Puankare teoremi ilə məşğul olan alimlər var idi. Onlardan məsələnin həllində ən qabağa gedənlərdən biri də Richard Hamilton idi. Perelman Hamiltonun mülahizələrinə getmişdi və onunla bu mövzuda söhbətlər etmişdi. Hamilton Puankare teoremi barədə bildikləri hər şeyi , əldə etdiyi bütün yarımçıq nəticələri Perelmana izah etmişdi. Perelman məsələ haqqında çox düşünmüşdü və uzun bir zamandan sonra məslələnin həll edilməsi üçün bir ipucu tapmışdı. Bu barədə Hamiltona email yazan Perelman, Hamiltondan heç bir cavab almamışdı. Milyon dollarlıq Puankare teoremini həll edə biləcəyinə inamı artan Perelman Amerikadakı bütün iş-gücünü qoyub Rusiyaya, doğma şəhəri Sankt Peterburqa geri qayıtdı.
    Sankt Peterburqda anası ilə yaşayan Perelman bütün dünyəvi işlərdən imtina edib yalnız Puankarenin məsələsi haqqında düşünürdü. Hətta rəsmi qeydiyyatdan keçdiyi, ayda 200-300 manat maaş aldığı məhşur Steklov institutuna da gedib gəlmirdi. ABŞda qənaət etdiyi pullar ilə dolanırdı.Anasından başqa çox az adamla ünsiyyəti qoruyub saxlamışdı.Deyilənə görə evdən yalnız supermarketə və ya operaya getmək üçün çıxırdı.
    Və nəhayət, o məsələni həll etmişdi və hissələr ilə onu internetdə dərc etmişdi. Bunun özü çox qəribə idi, çünki belə vacib teoremləri həll edən riyaziyyatçılar, adətən həlli məşhur bir jurnala yoxlanılıb dərc olunması üçün göndərirlər. Perelman isə öz həllini hamının görə biləcəyi bir sayta (arxiv.org) yerləşdirmişdi. Puankare teoremini həll etdiyini əvvəllər bir çox başqa riyaziyyatçı da elan etmişdi və bütün bu həllər səhv çıxmışdı. Perelman isə hörməti olan , ciddi bir riyaziyyatçı idi və onun Puankare məsələni həll etməsi xəbəri bütün dünyada ildırım sürətilə yayıldı. Alimlərin ilkin rəyi həllin doğru olduğunu bildirdi və öz həlli barədə danışmaq üçün Amerikaya dəvət olunan Perelman ikinci dəfə Amerikaya yollandı. O bir çox məşhur universitetlərə gedib öz həllini izah edirdi və onun məsələni doğru həll etdiyinə getdikcə daha çox riyaziyyatçı inanırdı. Hətta mülahizələrin birinə Hamilton özü də gəlir və Perelmana qulaq asandan sonra heç nə demədən zalı tərk edir. Görünür o da Perelmanın qələbəsini qəbul etmişdi.
    Perelman öz həlli barədə hamıya izah verdiyi bir vaxtda Çinin məşhur riyaziyyatçılarından biri öz tələbələri ilə bir məqalə dərc edib Puankare teoremini Perelmanın yox onların, yəni Çin komandasının həll etdiyini iddia etmişdi. Çinlilər Perelmanın həllində qaranlıq yerlərin olduğunu bildirib Perelmanın həllinin tam olmadığını bildirmişdilər. Əlbəttə bu bir yalan idi və bu xəbəri eşidən Perelman çox hirslənib sarsılmışdı. Dünya riyaziyyat cəmiyyətinin çox üzvü Çinli alimin iddialarını rədd etdi və məsələnin həllinin tamamilə Perelmanın əməyi olduğunu təkrar etdi. Və nəhayət bütün dünyada məhşur olan Perelmana Fildz medalı və 1 milyon dollarlıq mükafat təklif olundu.Lakin Perelman bunların hamısını rədd etdi. Bir çox insan bu qərara əsas səbəb kimi, Çinli riyaziyyatçının elədiklərini və onun etdiklərinə görə kifayət qədər tənqid olunmadığını görürdü.
    Bəziləri isə Sovet riyaziyyat məktəbinin davamçısı olan Perelmanın riyaziyyatla pul üçün deyil məhz bu elmə doğan marağından məşğul olduğunu iddia edirdi. Kəskin nəzarət rejimi olan SSRi-də riyaziyyat bir çoxu üçün həqiqətlərdən yeganə qaçış yolu idi və gerçək həyatdan fərqli olaraq riyaziyyatda insanlar hər şeyi öz nəzarətlərində saxlaya bilirdilər. Bəziləri isə Perlemanın bu mükafatı qəbul etməməsində Hamiltonu günahkar görürlər. Çünki bu mükafata layiq görülən Perelman Hamiltona Rusiyadan zəng edib onu bölüşməyi təklif etmişdi, Hamilton isə Perelmanın zənglərini qəbul etmirdi. Sonralar Qriqori Perelman deyirdi ki, "məni var-dövlət və şan-şöhrət maraqlandırmır, mən zooparkdakı heyvanlar kimi ekranlarda görünmək istəmirəm”.Perelman özü isə bütün bu mükafatları niyə almadığı barədə indiyədək susur və hələ də heç bir telefon və ya qapı zənginə cavab vermir. Ona ABŞ-ın nüfuzlu universitetlərindən iş təklifləri edilsə də, o, bütün təkliflərə rədd cavabı verib.
    Deyilənə görə belə bir teoremi isbat etdikdən sonra o, ümumiyyətlə riyaziyyatı və riyaziyyat cəmiyyətini tərk edib və özünə qapanıb və öz elmi işləri ilə məşğuldur.

    mənbə link


sən də yaz!