ordubad


facebook twitter əjdaha lazımdı   googllalink

    1. Ordubadın, nə deyim, vəsfi gülustanə dəyər.
    Bir əcəb guşədi ki, cənnəti-Rizvanə dəyər.
    Hər dəm Əylis səfəri Hindu isfahanə dəyər.
    Eylə şahidləri var huriyü qılmanə dəyər.
    Müxtəsər, abü havası bütün iranə dəyər.
    Hakimi Şeyxəli xan-kani-səxavət, nə deyim.
    Yoxdu Kəngərli kimi mərdi-şücaət, nə deyim,
    Görmədim bir belə sultani-ədalət, nə deyim.
    Sahibi-təblü ələm, özgə qiyamət, nə deyim.
    Çıxsa cənk eyləməyə, Nadiri-dövranə dəyər.

    (c) Əndəlib Qaracadaği
    2. əylis kəndində bir çox erməni ailəsinin yaşadığı rayon. sözümün əsası bu deyil; sözümün əsası 1909 cu ildə molla nəsrəddin jurnalında bu kənd haqqında yazılanlardır:


    "Dünən getmişdim yavuqluqda olan Əylis deyilən erməni kəndinə. Nələr gördüm?

    Axmaqlar deyəsən dəli-divanə olublar. Əvvəl onu deyim ki, bu kənd elə bil ki, Tiflisin bir məhəlləsidir. Gözəl imarətlər, təmiz küçələr, neçə-neçə böyük körpülər, neçə-neçə pakizə məktəblər, qiraətxanalar və maarifə dair hər bir qism tikili və dəstgahlar. Vallahi ki, lap quruyub qaldım.

    Camaatı da ki, heç tanımaq olmur; guya ki, Firəngistandan bu saat gəliblər: libasları, hərəkətləri, təmizlikləri (təmizlik deyəndə zahiri təmizliyi deyirəm, fikriniz özgə yana getməsin). Xülasə məəttəl qaldım.

    Əylisdən Ordubada qayıdıb gördüm ki, genə bir evdə mərsiyyə oxunur və müsəlmanlar genə ağlayır. istədim deyəm ki, ay balam, bu qədər niyə ağlayırsınız? Yoxsa indidən bunu duymusunuz ki, qonşularınız maarifin silahı ilə silahlanıb yavaş-yavaş gəlib sizi buralardan tökəcəklər eşiyə və mal-mülkünüzə də sahiblənib sizi evlərində nökər yerində işlədəcəklər.

    Heç kəs deməsin ki, belə olmaz. Dünyanın keçəcəyinə və mədəniyyətin tarixinə hər kəs bir az diqqət eləsə, görər ki, həmişə işlərin axırı belə olub.

    Sora bəlkə genə yazam."
    3. Sinfimizdə yadımdadı dəqiq 7 naxçıvanlı var idi altısı bu naxçıvanın bu tərəfindən idi.ordubad camaatının biraz söz uzatmasl xasiyyəti var nədənsə.amma şamaxılıların uzatmağına çatmaz.
    4. şüvənniyləri var azmaz ama yaxşı adamlardı . day naxçıvanlıdısa olmalıdı da şüvənniy :D özlərinə desən qəbul eləməzlər . sən sən ol ordubadlıya naxçıvanlı demə onsda qayıdıb deyəcəy ki naxçıvanlı uox ordubadlı


sən də yaz!