1. ingiliscə: the lunchbox

2013-cü il istehsalı hind filmi. demək 120 ildir hindistanın bombey şəhərində bir böyük işçi nəsli yaşayır. bu nəslin məşğul olduğu sənətə dabba deyilir (türkcə "sefertaşı"). dabba - şəhərdə işləyən işçilərə ailələrindən və ya restoranlardan göndərilən nahar yeməyinin daşınmasıdır. gün ərzində milyonlarla işçiyə yemək paylanılır və möcüzə burasındadır ki, çox nadir hallarda yemək səhv ünvana gedib çıxır. hətta harward universitetinin bir araşdırmasında səhv ehtimalı 8 milyonda bir kimi qiymətləndirilib. filmimiz elə o bircə səhvin üzərində qurulan romantik hekayədən bəhs edir.
ila-nın həyat yoldaşı üçün göndərdiyi yemək səhvən saajan fernandesə gedib çıxır və onlar arasındakı xırda məktublarla romantik münasibət başlanır.
müasir hind kinosu 60-70-80-lərin ənənəsindən çox uzaqlaşıb. daha müasir hind filmlərində dəqiqələrlə olan rəqs səhnələrinə, uçuq fantaziyalı döyüş səhnələrinə və s. rast gəlinmir. hind film industriyası keçmiş ənənələri tam atmadan yeni müasir filmlər yaratmağa çalışır. "3 idiots", "black", "my name is khan" və başqaları buna nümunədir. ona görə də hind filmlərinə qarşı yersiz önyarğıdan qurtulub müasir hind filmlərini izləməkdə fayda var deyə düşünürəm. bu filmdə sevgi, hindistanın günlük həyatı, yaşlılıq və s. mövzular mükəmməl işlənib.

--spoiler--

ən vurucu səhnələrdən biri görüşə gəlməyən fernandesin məktubdakı sözləri idi: "vanna otağında bir şey unutdum və ora geri qayıdanda bir qoxu tanış gəldi: babamın qoxusu - yaşlı bir adamın qoxusu idi. o yaşlı adam mən idim"
və o məşhur cümlə: "yanlış bir qatar sizi doğru stansiyaya apara bilər"

--spoiler--