işləmək azadlıq gətirir


facebook twitter əjdaha lazımdı   googllalink

    1. (bax: arbeit macht frei )

    düzgün olmayan fikirdir. işlәmәk valideynlәrdәn asılılıqdan qurtarsa da, müasir köləlikdәn başqa bir şey deyil. bir insanın normal yaşaya bilmәsinә vә iqtisadiyyatın stabil templә inkişafına bәs edәcәk iş saatının 4 saat olduğu nәzәriyyәlәrlә sübut olunduğu halda *, hәlә dә 8, 12 vә daha çox iş saatlarının tәtbiq olunması özü dә buna bir sübutdur.

    iş insanın cövhəridir, işlәmәk azadlıq gәtirir kimi cәfәngiyatlar sadәcә böyük kütlәlәri hәr zaman mәşğul saxlamaq, xoşbəxtlik, haqq axtarışına vaxt qalmasın deyә kәşf olunub. modern insan buna o qәdәr inanıb ki, bütün gününü işsiz necə keçirə bilәcәyi haqda anlayışı belә yoxdu. bu qәnaәtә bir çox insanla bu mövzuda mübahisə edәrkәn eşitdiyim arqumentlər nәticәsindә gәlmişәm. 4 saatlıq işdәn sonra günü doldura bilәcәk film izlәmәk, kitab oxumaq, hәr hansı idmanla, rәqslә mәşğul olmaq, musiqi alәtindә ifa etmәyi öyrәnmәk *, boş boş gәzmәk *, içmәk, qusmaq, yatmaq vә sairә kimi saymaqla bitmәyәn şeylәr vardır. heç nә olmasa belә, valideynlik rolunu axşam evә gәlib, yemək yeyib, tv qarşısında yuxulamaq müstәvisindәn çıxarıb, uşaqlarınla, qadınınla vaxt keçirə bilәrsәn. mәn bunları sıralarkәn, qarşımdakı insandan hәmişә tәk bir әks arqument eşitmişәm. o da, "bir gün bunların hamısından bezәcәksәn". 60 il hәr gün 12 saat kiminçünsə işlәyib, söz eşidib, günün boş qalan iki-üç saatını tv-yә baxmaqdan bezmәyәcәyini sanan bu primatlar, müasir kölələrdir. vә ya çingiz aytmatovun deyimi ilә, manqurt.

    lifehacklar tapın. format daxilində sistemin anasını ağlatmaqın yollarını öyrәnin. mәsәlçün, ömrünüzün maksimum 5-10 ilini kölәlik edin. o müddətdә kapital yığın. o kapitalla elә investisiya eliyin ki, ömür boyu işiniz sadәcә hәftәdә bir neçә dәfә o işә nәzarәt elәmәk olsun. mümkünsə bir neçə obyekt alın, icarәyә verin, aylıq gәlirlә yaşıyın. kölə olmağı seçәnlәr sizin üçün kölә olsun. sәhәr işә, axşam evә mersedes sürәcәksiniz deyә ömrünüzü ofislәrә, iş yerlәrinә xәrclәmәyin. ondansa niva alın, görmәdiyiniz yerlərә sürün.
    2. başlıq sayəsində kapitalist mühitdən əziyyət çəkən və nəticədə insanları əzərək istismar edərək pis işləyən/işlədilən sistemə qarşı olan ürəyi dolu yazarlarımız bir bir ortaya çıxacaqdır.

    əslində bu ifadə konkret kontekstdə oxunmalıdır. nasist almaniyası kimi bunu istismar edənlərdən tutmuş burada öz fərdi iqtisadi rifahını əsas götürən və işi müqəddəsləşdirən kalvinist sayağı fərdlərə qədər geniş spektrə yayılmış fərqli insanlar var. burada kimin üçünsə işləməkdən daha ziyadə işləməyin insanı azad eləməyindən söhbət gedir. ən azı iqtisadi azadlığa malik olursan. bütün insani prinsiplər kimi sonunda bu da insan imkanları ilə limitlidir və mütləq ola bilməzdi
    4. Yuxarıdakı dostumuzun dediyi kimi valideynlər tərəfindən azadlıq gətirir, amma digər tərəfdən asılı qalırsan, əzilirsən, sıxılırsan, istismar edilirsən. bu heç də valideynlər tərəfindən azadlıq qazanırsan amma öz azadlığını itirirsən. Günüvün 9 saatını işdə keçirirsən, işdən çıxıb evə gəlib, yemək yeyib vaxtın olsa heç olmaya bir saatlıq filmə baxıb yatırsan. Hələ bunun sumqayıtda yaşayıb, bakıda işləyənləri var. işləmək mənlik deyil qardaş, ərinirəm işləməyə. vaxtımın 9 saatına heyfim gəlir. Nə olsun ki, pul qazanıram. Dünən evdən normalda 9-da çıxmalıyam amma 10nun yarısı çıxdım. Həmişə taksiylə getdiyim yolu dünən sumqayıtdan bakıya ən ləng gedən avtobusla getdim. Xətayi metrosunda 7 dəqiqə qatarın gəlməsini gözlədim, qatar gəldi amma minmədim, daha 7 dəqiqə gözlədim. metrodan çıxıb çox asta addımlarla işə getdim amma yenə də vaxtında çatdım işə. qəribə görünəcək amma işdən öz istəyimlə çıxmaq yox, qovulmaq istəyirəm amma olmur qovmurlar məni. ən dəhşətlisi bu yaz havalarında adam qətiyyən işləmək istəmir. evdən çıxanda güclə özümü saxlayıram ki, geri qayıtmayım. hətta bir dəfə 20 yanvara kimi gəlib 20 yanvardan təzdən geri qayıtmışdımş (bilirəm deyəcəksiz ki, ondansa gedib bakını gəzərdin amma belə yaz havasında sumqayıtı gəzərlər). indi də 9a 5 dəqiqə qalır amma mən hələ hazırlaşmamışam, burda entry yazıram. ümid edirəm bu gün işdən qovulub, azadlığıma qovuşaram. axı azadlıq üçün mübarizə aparmalısan, bizim də mübarizəmiz belədir. axşama şad xəbər ümidiylə sizlərdən ayrılıram, sayın seyircilər.
    6. Mene göre beli AzadLıqın başında işlemek dayanır, kimlerse beli kiminse emri altında çalışa bilerler, amma insan gerek meqsedli olsun , ne istediyini ve ne üçün işlediyni beyninde götür qoy etsin, her bir ugurlu işlerin arxasında dözülmez çetinlikler dayanır, amma bunun üçün sebr ve irade lazımdır, ezilmemek, meglub olmamaq , damla- damla qazanılan herşey insanın azadlıgı demekdir. insan azadlıgı 18 saat yatmaqda görürse men heyifslenirem gencliyimize, yaratmaq yaşamaq dahada irelilere getmek hissi mehv olub gedir .aglasıgmaz çetinliklerin qarşısında böyük ugurlar gözleyir, meselen insanların çox hissesi azadlıgı , geceleri barlarda, eylence merkezlerinde rahatlıqla eylenmekde, seher bir stol yemeyın qarşısında eyleşmekde, gunorta ev boyda maşına eyleşmekde görür.mene göre heyat öz ugurlarınla xoşbext ola bilmekdir,men her xırda birşeyden xoşbextlik tapa bilirem, çünki azadlıgımı hiss edirem iliyime qeder bunun hezzini yaşayıram, bir mesele var ki azadlıgının elinden alınmasını yaşamayan bilmez ne demekdir. Bunu mem yaşamışam, bunu men derk edirem. Mütleq işlemek lazımdır özüde isteyerek severek!
    7. hitler almaniyasının yaratdığı yəhudi ölüm düşərgələrində girişə, çıxışa, hər yerə vurduğu bir ifadədir. amma nəticəni gördünüz işləmək nə gətirir. 6 milyon ölüm.
    8. e o zaman dayısı ilə işləsin.

    maddı açıdan müəyyən qədər azadlıq gətirsə də ilk etapda bu azadlığa çox ehtiyac var. daha sonra düşüncədə zadda azadlıqdan söhbət edərik.
    9. nasist almaniyasının polşada qurduğu auschwitz əsir düşərgəsinin girişində yazılmış istehzalı sözlərdir.


sən də yaz!